ရုပ်ရှင်ဇာတ်ကားတိုပြိုင်ပွဲ မူလအစီအစဉ်အတိုင်း လုပ်ဆောင်မည်။

ဟာသသရုပ်ဆောင် ကိုဇာဂနာနဲ့ ဒါရိုက်တာ မင်းထင်ကိုကိုကြီးတို့ ပူးပေါင်းပြီး လွတ်လပ်မှုကိုဖော်ကျူးတဲ့ ရုပ်ရှင်ဇာတ်ကားတို ပြိုင်ပွဲတစ်ရပ် လွတ်လပ်ရေးနေ့မှာ ကျင်းပဖို့ စီစဉ်နေကြောင်း အာရ်အက်ဖ်အေက ထုတ်လွှင့်ခဲ့ပြီးဖြစ်ပါတယ်။

လွတ်လပ်ခြင်း အနုပညာပွဲတော်လို့ အမည်ပေးထားတဲ့ အဲဒီပြိုင်ပွဲကို ၂၀၁၂ခု ဇန်န၀ါရီလ ၁ ရက် ကနေ ၄ ရက် အထိ ကျင်းပမှာ ဖြစ်ပြီး ဆုရဇာတ်ကားတွေကို ဇန်န၀ါရီ ၄ ရက် လွတ်လပ်ရေးနေ့မှာ ဆုချီးမြှင့်မှာ ဖြစ်ပါတယ်။
ပြီးခဲ့တဲ့ နိုဝင်ဘာ ၅ ရက် မြန်မာ့အလင်း သတင်းစာမှာတော့ မြန်မာ့ရုပ်ရှင်လုပ်ငန်း ဦးဆောင်ညွှန်ကြားရေးမှူး ဦးအောင်မျိုးမြင့်နဲ့ ကိုဇာဂနာတို့ တွေ့ဆုံခဲ့ပုံနဲ့ လွတ်လပ်ခြင်း အနုပညာပွဲတော်မှာ ဝင်ရောက်ယှဉ်ပြိုင်မယ့် ဇာတ်ကားတွေကို ဆင်ဆာ လုပ်ထုံးလုပ်နည်းနဲ့ အညီ ကူညီ ဆောင်ရွက်သွားမှာ ဖြစ်ကြောင်း ဖော်ပြခဲ့ပါတယ်။
ဒီကိစ္စနဲ့ ပတ်သက်ပြီး ပြိုင်ပွဲဝင် ဇာတ်လမ်းတိုတွေကို ဆင်ဆာတင်ပြဖို့ အစီအစဉ် ရှိမရှိ ဒါရိုက်တာ မင်းထင်ကိုကိုကြီး ကို မေးမြန်းရာမှာ-
“ကျွန်တော်တို့ ပြောင်းလဲဖို့ လုံးဝရှိမှာ မဟုတ်ပါဘူး။ သတင်းစာ ရှင်းလင်းပွဲနေ့က ကိုသူရ ပြောတဲ့အတိုင်းပါပဲ။ ဆင်ဆာဩဇာ တစ်ခုခု သက်ရောက်တဲ့ ရုပ်ရှင်ပွဲတော် ဖြစ်လာမှာ မဟုတ်ပါဘူး”
လွပ်လပ်ခြင်း အနုပညာ ရုပ်ရှင်ဇာတ်လမ်းတို ပြိုင်ပွဲကို မူလအစီအစဉ်အတိုင်း ဆောင်ရွက်သွားမှာ ဖြစ်ပေမဲ့ ပွဲမစခင် အကြိုနေ့မှာတော့ ရုပ်ရှင်အစည်းအရုံးက တာဝန်ရှိ လူကြီးတွေကို ဖိတ်ကြားဖို့ အစီအစဉ် ရှိနိုင်ကြောင်း ဒါရိုက်တာ မင်းထင်ကိုကိုကြီးက ပြောကြားပါတယ်။

မြန်မာ ဒုက္ခသည်တွေကို အမေရိကန် ဆက်လက်ကူညီမည်။

ထိုင်း မြန်မာနယ်စပ်က မြန်မာ ဒုက္ခသည်တွေ အတွက် အမေရိကန် ပြည်ထောင်စုက အကူအညီတွေ ဆက်လက် ပံ့ပိုးသွားမှာ ဖြစ်သလို၊ ဒီနှစ် တတိယနိုင်ငံရွှေ့ပြောင်း အခြေချရေး အစီအစဉ် အတွက်လည်း ဒုက္ခသည် တစ်သောင်း ခေါ်ယူမှာဖြစ်တယ်လို့ ထိုင်းနိုင်ငံဆိုင်ရာ အမေရိကန် သံအမတ်ကြီး Kristie Kenney က မနေ့က ပြောကြားလိုက်ပါတယ်။

စစ်တပ်၏ ရက်စက် ကြမ်းကြုတ်မှုများကြောင့် တောင်ငူနှင့် ညောင်လေးပင်ခရိုင်မှ ခြေလျင်ပြေးလာသော ကရင်ဒုက္ခသည် အမျိုးသမီးနှင့် ကလေးများကို တောတွင်းတနေရာ မိုးရေထဲတွင် တွေ့ရပုံ ဖြစ်ပါသည်။ (Photo: Courtesy of Free Burma Rangers)

 

အမေရိကန် သံအမတ်ကြီး Ms. Kenney ဟာ မနေ့က ထန်ဟင်း ဒုက္ခသည် စခန်းကို သွားရောက် ကြည့်ရှုပြီး၊ အဲဒီစခန်းမှာ ကူညီ ဆောင်ရွက်နေကြတဲ့ နိုင်ငံတကာ ကူညီရေးလုပ်သားတွေနဲ့ တွေ့ဆုံ ဆွေးနွေးခဲ့ပါတယ်။ ထန်ဟင်း စခန်းမှာ ဒုက္ခသည်ပေါင်း (၈) ထောင်လောက်ရှိပြီး ကြပ်ကြပ်သိပ်သိပ် နေထိုင် နေကြရပါတယ်။ ပြည်တွင်း စစ်ဘေးကြောင့် ပြေးလာခဲ့ကြရတဲ့  ဒုက္ခသည် အများစုက ကိုယ့်အိမ်ကိုယ် ပြန်ချင်ကြောင်း ပြောဆိုကြတယ်လို့ Ms. Kenney က ဆိုပါတယ်။ ထိုင်းအစိုးရမှာ ဒုက္ခသည် ပြန်ပို့ရေး အစီအစဉ်ရှိပေမဲ့ ဒါဟာ ပြန်လိုသူတွေ အတွက်သာဖြစ်တယ်လို့ ထိုင်းအာဏာပိုင်တွေက မိမိကို အကြိမ်ကြိမ် ရှင်းလင်း ပြောဆိုခဲ့ကြောင်း၊ ဒါပေမဲ့ ဒုက္ခသည်တွေ အိမ်ပြန်နိုင်ရေးနဲ့ပတ်သက်ပြီး နိုင်ငံရေးအရ အမျိုးသား ရင်ကြားစေ့ဖို့ ဦးဆုံးလိုအပ်နေပြီး မြေမြှုပ်မိုင်းပြဿနာ၊ အိုးအိမ်တွေ ပြန်လည် ထူထောင်ပေးရေး ကိစ္စ စတဲ့ ဆောင်ရွက်စရာတွေ အများအပြား ရှိနေတဲ့အပြင်၊ မြန်မာအာဏာပိုင်တွေရဲ့ အာမခံချက် ကတိက၀တ်တွေလည်း လိုအပ်ကြောင်း၊ ဒါပေမဲ့ အခုချိန်ထိတော့ ဒီကိစ္စတွေနဲ့ ပတ်သက်ပြီး မြန်မာဘက်က ဘာအရိပ်လက္ခဏာမှ မပြသေးကြောင်း သံအမတ်ကြီး Ms. Kenney က ပြောပါတယ်။ မြန်မာနဲ့ နယ်စပ်က ထိုင်း ခရိုင် (၄) ခု မှာ ဒုက္ခသည် စခန်းပေါင်း (၉) ခုရှိပြီး ဒုက္ခသည်ပေါင်း တစ်သိန်းလောက် ရှိနေပါတယ်။ ပြီးခဲ့တဲ့ (၅) နှစ်အတွင်း အမေရိကန်ပြည်ထောင်စုက ဒုက္ခသည် (၆) သောင်း ခေါ်ယူခဲ့ပါတယ်။

ဧရာဝတီကို ကယ်တင်ကြ စာတမ်း ဖြန့်ဝေခဲ့သူကို ရဲတပ်ဖွဲ့က ခေါ်ယူစစ်ဆေး ။

ရန်ကုန်သိမ်ကြီးဈေးမှာ ဒီကနေ့ နေ့ခင်းက ဧရာဝတီကို ကယ်တင်ကြ ဆိုတဲ့ စာရွက်စာတမ်း ဖြန့်ဝေခဲ့သူ ဒလမြို့နယ် အမျိုးသား ဒီမိုကရေစီ အဖွဲ့ချုပ်က လူငယ် ကိုနေလင်းဦးကို ပန်းပဲတန်း ရဲစခန်းက ခေါ်ယူ စစ်ဆေးခဲ့ကြောင်း နီးစပ်သူတစ်ဦးက RFA ကို ပြောပါတယ်။

ကိုနေလင်းဦးဟာ အခုလ ၁၅ ရက် အပြည်ပြည်ဆိုင်ရာ ဒီမိုကရေစီနေ့ကလည်း နိုင်ငံရေး တောင်းဆိုချက်တွေကို ဆန္ဒပြ တောင်းဆိုခဲ့အပြီး မူးယစ် ရမ်းကားတယ်ဆိုတဲ့ စွပ်စွဲချက်နဲ့ ဒလမြို့နယ် ရဲတပ်ဖွဲ့က ဖမ်းဆီးတာကို ခံခဲ့ရပြီး အာမခံနဲ့ အမှုရင်ဆိုင်နေရသူ ဖြစ်ပါတယ်။ NLD မှာ ကျင်းပတဲ့ အပြည်ပြည် ဆိုင်ရာ ဒီမိုကရေစီနေ့ကို တက်ရောက်ပြီး အပြန်မှာ ဧရာဝတီ ပန်ကြားချက်၊ ဒဂုန်တာရာရဲ့ ငြိမ်းချမ်းရေး သဝဏ်လွှာတို့ကို ဖတ်ပြီး နိုင်ငံရေး အကျဉ်းသားများ လွတ်မြောက်ရေး ကြွေးကြော်ခဲ့တဲ့ အတွက် ဖမ်းဆီးခံခဲ့ရတာ ဖြစ်ပါတယ်။ သူ့အမှုကို မနက်ဖြန်မှာ စီရင်ချက်ချဖို့ ရှိတယ်လို့လည်း သိရပါတယ်။

လူကုန်ကူးမှု တားဆီးရေးအဖွဲ့ က ခရီးသည်များကို အကြပ်ကိုင်ငွေတောင်း။

တနင်္သာရီတိုင်းဒေသကြီး ကော့သောင်းမြို့ မှာ လူကုန်ကူးမှု တားဆီးရေး အဖွဲ့က ခရီးသည်တွေရဲ့ မှတ်ပုံတင်တွေကို စိစစ် တားဆီး ထိမ်းသိမ်းရာမှာ ဥပဒေ စည်းကမ်းနဲ့ မညီညွတ်မှု၊ လူ့အခွင့်အရေး ချိုးဖေါက်မှုတွေ ကျူးလွန်နေတယ်လို့ သိရပါတယ်။

မြန်မာနိုင်ငံ ကော့သောင်မြို့နှင့် ထိုင်းနိုင်ငံ ရနောင်းမြို့သို့ ကူးသန်းသွားလာနေသော ခရီးသည်တင် စက်တပ်လှေတစင်း ဖြစ်ပါသည်။ (Photo: AFP)

ဒီကိစ္စနဲ့ ပတ်သက်ပြီး ကန့်ကွက်စာတစောင် ကော့သောင်းမြို့ အမျိုးသား ဒီမိုကရေစီ လူငယ်လုပ်ငန်း အဖွဲ့ က သက်ဆိုင်ရာ ဌာနနဲ့  အာဏာပိုင် အဖွဲ့အစည်းတွေကို ပေးပို့ လိုက်ပါတယ်။ လူကုန်ကူးမှု တားဆီးရေး လုပ်ငန်းစဉ်မှာ မှတ်ပုံတင်သိမ်း၊ လူကို ဖမ်းဆီးတာသာမက ရယက ရုံးမှာ ရာဇ၀တ်သားတွေလို ချုပ်နှောင်ထားတာဟာ နိုင်ငံသားများရဲ့ မူလအခွင့်အရေး ချိုးဖေါက်ရာ ရောက်ကြောင်း၊ စီရင်ပိုင်ခွင့်ရှိတဲ့ တရားသူကြီးရဲ့ ချုပ်မိန့် မရဘဲ မည်သူ့ ကိုမှ ၂၄ နာရီထက် ပို၍ ချုပ်နှောင်ခွင့် မရှိရ ဆိုတဲ့ ပြဌာန်းချက်ကို ဆန့်ကျင်နေကြောင်း ဖေါ်ပြထားပါတယ်။ လူကုန်ကူးမှု တားဆီးရေး အဖွဲ့ တွေက ကော့သောင်းမြို့အ၀င် ကားဂိတ် လေယာဉ်ကွင်းနဲ့  အမြန်ယာဉ်ဂိတ်တွေမှာ ခရီးသည်တွေကို စစ်ဆေးပြီး ၆/ကသန မဟုတ်တဲ့ မှတ်ပုံတင် ကိုင်ဆောင်သူတွေဟာ မြို့ ခံအိမ်ရှင်ရဲ့ လိပ်စာ မပေးနိုင်ရင် ပြန်ခိုင်းရာမှာ မှတ်ပုံတင်ကို ငွေ ၅ သောင်းပေးပြီး ရွေးယူရကြောင်း၊ မပေးနိုင်သူတွေကို သက်ဆိုင်ရာ ရယက ရုံးတွေမှာ ထိမ်းသိမ်းထားကြောင်း NLD လူငယ်လုပ်ငန်း အဖွဲ့က ကိုမြင့်မောင်က ပြောပြပါတယ်။ တချို့က မှတ်ပုံတင်ကို နှစ်ရှည်လများ သိမ်းထားပြီး လူကိုလည်း လနဲ့ချီပြီး ရယကရုံးမှာ ထိမ်းသိမ်းထားကြောင်း၊ ဖမ်းထားတယ်လို့ မခေါ်ဆိုပေမဲ့ ထိုသူတွေဟာ အပြင်ထွက်ခွင့် မရှိဘဲ၊ အစားအသောက် မစီစဉ်ပေးတဲ့အတွက် မိမိဖာသာ ၀ယ်စားတာ၊ အပြင်က လူတွေ လာကျွေးမှ စားရတာတွေ ရှိကြောင်း သူက ပြောပြပါတယ်။ ထိမ်းသိမ်းခံ ခရီးသည်တွေမှာ အပြန်စားရိတ် မတတ်နိုင်သူတွေကို အခမဲ့ နေရပ်ပြန်ပို့ နိုင်ရေး စီစဉ်ပေးပေမဲ့ အမြန်ရေယာဉ် ခရီးစဉ် မလာမချင်း ရ.ယ.က ရုံးမှာ ထိမ်းသိမ်းထားတယ်လို့ သိရပါတယ်။ ကော့သောင်းမြို့ က လူကုန်ကူးမှု တားဆီးရေးအဖွဲ့ မှာ မြို့နယ် အုပ်ချုပ်ရေး၊ မြို့ နယ်ရဲ၊ ရဲ အထူးသတင်းတပ်ဖွဲ့၊ စ.အ.ဖ၊ လ.၀.က စတဲ့ ဌာနဆိုင်ရာ အဖွဲ့ တွေ ပူးပေါင်း ပါဝင်ပြီး တဘက်နိုင်ငံကို တရားမ၀င် သွားရောက်မှာကို တားဆီးနေတာ ဖြစ်ပါတယ်။ အခုလို စစ်ဆေး တားဆီးရာမှာ ထိမ်းသိမ်းခံရတဲ့ ခရီးသွား ဦးရေဟာ နေ့စဉ် ၅၀ ၀န်းကျင်ရှိတယ်လို့ သိရပါတယ်။

မြန်မာနဲ့ ရေပိုင်နက် အငြင်းပွားမှု ဘင်္ဂလားဒေ့ရှ် နိုင်ငံခြားရေးဝန်ကြီး ကိုယ်တိုင်ထွက်ဆိုမည်

မြန်မာနိုင်ငံနဲ့ ရေကြောင်းပိုင်နက် အငြင်းပွားမှုမှာ ကိုယ်တိုင် တက်ရောက် ထွက်ဆိုဖို့ အတွက် ဘင်္ဂလားဒေ့ရှ် နိုင်ငံခြားရေး ဝန်ကြီး ဒီပုမိုနီဟာ ဒီကနေ့ ဂျာမနီနိုင်ငံကို ထွက်ခွာ သွားပါတယ်။

ဘင်္ဂလား ပင်လယ်အော်က အထူး စီးပွားရေးဇုံ ပိုင်ဆိုင်မှုနဲ့ ပတ်သက်လို့ ဂျာမနီနိုင်ငံ ဟမ်းဘတ်မြို့က အပြည်ပြည် ဆိုင်ရာ ရေကြောင်း ဥပဒေဆိုင်ရာ တရားရုံး ITLOS မှာ ဒီလ ၅ ရက်ကနေ ၂၂ ရက်နေ့ အထိ မြန်မာနဲ့ အငြင်းပွားမှုကို ကြားနာ စစ်ဆေး နေပါတယ်။

ဘင်္ဂလားဒေ့ရှ် နိုင်ငံခြားရေး ဝန်ကြီးအနေနဲ့ ဘင်္ဂလားဒေ့ရှ် အထူး စီးပွားရေး ဇုံသတ်မှတ်ထားပြီး ဘင်္ဂလား ပင်လယ်အော် ထဲက တောင်အာရှ မြေကြောမှာ တဆက်ထဲ ဝင်နေတဲ့ ဒေသဟာ ဘင်္ဂလားဒေ့ရှ် ပိုင်နက် ဖြစ်တယ် ဆိုတာကို တင်ပြမှာ ဖြစ်ပါတယ်။ မြန်မာနိုင်ငံ ဘက်ကတော့ နိုင်ငံနဲ့ ၂ ဘက် အကွာအဝေး ဆတူ အညီအမျှ ပိုင်းခြား နိုင်တဲ့ နေရာကို နယ်ခြားမျဉ်း အဖြစ် သတ်မှတ် ခွဲယူ ထားပါတယ်။ ဒီအချက်ကို ဘင်္ဂလားဒေ့ရှ် ဘက်က ငြင်းဆို ထားပါတယ်။

ဒီအမှုအပေါ် ဘင်္ဂလားဒေ့ရှ် ဘက်က ချေပချက်တွေ စက်တင်ဘာ ၂၁ ရက်နဲ့ ၂၂ ရက်နေ့ တွေမှာ အပြီးသတ် ကြားနာ မယ်လို့ ဆိုပါတယ်။ ဘင်္ဂလားဒေ့ရှ် နိုင်ငံခြားရေး ဝန်ကြီးဟာ ဒီအဆိုကို ပြီးခဲ့တဲ့ သြဂုတ် ၂၄ ရက်နေ့က ကုလသမဂ္ဂ ရုံးချုပ်မှာ တင်ပြခဲ့တယ်လို့ သိရပါတယ်။ ဘင်္ဂလားဒေ့ရှ် ဘက်က တောင်းဆိုချက် အရ ဘင်္ဂလားဒေ့ရ်ှပိုင် တောင်အာရှ မြေကြော ပိုင်နက်ဟာ ဘင်္ဂလားဒေ့ရှ် ကမ်းခြေကနေ ရေမိုင် ၃၉၀ နဲ့ ၄၆၀ အထိ ကျယ်ပြန့်တယ်လို့ ဆိုပါတယ်။ ဒီအမှုကို ဘင်္ဂလားဒေ့ရှ် နိုင်ငံဘက်က ကုလသမဂ္ဂ မြေကြောများ ဆိုင်ရာ ကန့်သတ် ချက်များ ကော်မရှင် CLCS ကို အခုနှစ် ဖေဖော်ဝါရီလက တိုင်ကြားခဲ့တာ ဖြစ်ပါတယ်။

 
ရခိုင်ပြည်နယ်၊ စစ်တွေ၊ ဘူးသီးတောင်၊ မောင်တော တည်နေရာပြ မြေပုံ။

ဆွီဒင် အလုပ်သမားသမဂ္ဂ NLD နဲ့ ဆွေးနွေး။

လွတ်လပ်တဲ့ အလုပ်သမား သမဂ္ဂတွေဖွဲ့စည်းဖို့ NLD အမျိုးသား ဒီမိုကရေစီအဖွဲ့ချုပ်က ကြိုးပမ်း ဆောင်ရွက်နေတဲ့ ကိစ္စရပ်တွေကို ဆွီဒင်နိုင်ငံ အလုပ်သမားသမဂ္ဂ အဖွဲ့နှစ်ဖွဲ့က ဒီနေ့ လာရောက် လေ့လာ ဆွေးနွေးခဲ့ကြတယ်လို့သိရ ပါတယ်။

ဆွီဒင် အလုပ်သမား အဖွဲ့တွေဟာ NLD ဗဟို အလုပ်အမှုဆောင် အဖွဲ့ဝင်တွေနဲ့ အလုပ်သမားရေးရာ ဆောင်ရွက်နေသူတွေကို အဖွဲ့ချုပ်ရုံးမှာ တွေ့ဆုံခဲ့ကြောင်း ပြန်ကြားရေး တာဝန်ခံ ဦးအုန်းကြိုင်က ပြောပါတယ်။ “ဆွီဒင်နိုင်ငံ အလုပ်သမား သမဂ္ဂ နှစ်ခုက တာဝန်ရှိသူနဲ့ အဖွဲ့တို့ဟာ ဒီနေ့ အဖွဲ့ချုပ်ကို ရောက်လာပြီးတော့ ဒုတိယ ဥက္ကဌ ဦးတင်ဦးရယ်၊ ဗဟို အလုပ်အမှုဆောင် တွေရယ်၊ ဗဟို အလုပ်သမားရေးရာ တာဝန်ရှိတဲ့ ဦးကျော်မြင့် ပြီးတော့ အိုင်အဲလ်အိုနဲ့ ဆက်သွယ် ဆောင်ရွက်နေတဲ့ ဦးသက်ဝေတို့နဲ့ တွေ့ဆုံပါတယ်” ဒီလို တွေ့ဆုံရာမှာ ဆွီဒင်နိုင်ငံ အလုပ်သမား သမဂ္ဂတွေရဲ့ အတွေ့အကြုံတွေကို ရှင်းပြပြီး မြန်မာနိုင်ငံမှာ အလုပ်သမား သမဂ္ဂတွေ ဖွဲ့စည်း ဖြစ်ပေါ်လာရေး အခြေအနေတွေကို မေးမြန်းတယ်လို့ ဆိုပါတယ်။ “ဒုတိယဥက္ကဌ ဦးတင်ဦးက အဖွဲ့ချုပ်က အလုပ်သမားရေးရာ အဖွဲ့နဲ့ ပတ်သက်လို့ လွတ်လပ်တဲ့ အလုပ်သမား သမဂ္ဂတွေ ကြိုးပမ်း ဖွဲ့စည်းဖို့ စီစဉ်နေတဲ့ အကြောင်းကို ရှင်းပြပါတယ်။ တခါ အလုပ်သမား အခြေအနေတွေနဲ့ ပတ်သက် တာကိုလည်း တင်ပြပါတယ်။ ပြီးတော့ စက်မှုဇုံ နယ်ပယ် အသီးသီးကနေ အန်အဲလ်ဒီကို ရောက်လာတဲ့ အလုပ်သမား အဖွဲ့ဝင် ၁၅ ဦး တို့နဲ့လည်း ကျနော်တို့ အဖွဲ့ချုပ်မှာပဲ တွေ့ပါတယ်” အဲဒီ စက်မှုဇုံက အလုပ်သမားတွေရဲ့ အခြေအနေကို ဆွီဒင်နိုင်ငံက အလုပ်သမားသမဂ္ဂ အဖွဲ့က မေးမြန်းတာကို အလုပ်သမားတွေက ပြန်လည် တင်ပြတယ်လို့ ဦးအုန်းကြိုင်က ပြောပါတယ်။ ဒီ အဖွဲ့ဟာ မနက်ပိုင်းမှာ NLD ဗဟို အလုပ်အမှုဆောင် ဦးဝင်းတင် နေထိုင်နေတဲ့ အိမ်သွားရောက်ပြီး ဆွေးနွေး ခဲ့တယ်လို့လည်း ပြောပါတယ်။ ဆွီဒင်အဖွဲ့ဟာ အလုပ်သမားရေးရာ ကိစ္စရပ်တွေကိုပဲ အဓိကထား ဆွေးနွေးတယ်လို့ ဆိုပါတယ်။ ဒီနေ့ လာရောက်ဆွေးနွေးတဲ့ IF Metal အလုပ်သမားအဖွဲ့ဟာ စက်မှု အလုပ်သမားများ သမဂ္ဂနဲ့ ဆွီဒင် သတ္တုလုပ်ငန်း ဆိုင်ရာ အလုပ်သမားများ သမဂ္ဂကို ပေါင်းစည်း ဖွဲ့ထားတဲ့ အဖွဲ့ကြီးတခု ဖြစ်ပါတယ်။ ဆွီဒင်နိုင်ငံတ၀န်းက အလုပ်ဌာန တသောင်း သုံးထောင် ကျော်က အလုပ်သမား လေးသိန်းကျော်ဟာ IF Metal အလုပ်သမား သမဂ္ဂအဖွဲ့ဝင်တွေ ဖြစ်ကြတယ်လို့ အဖွဲ့ အင်တာနက် ၀ဘ်စာမျက်နှာမှာ ဖော်ပြထားပါတယ်။

ကင်တားနား လွှတ်တော်ကိုယ်စားလှယ်များနဲ့ ဆွေးနွေး။

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ သောမတ် ကင်တားနား ဟာ ဒီကနေ့ မနက်ပိုင်းက လွှတ်တော် မှာ ၂နာရီခန့် ကြာအောင် နိုင်ငံရေးပါတီ ၁၆ ခုက ခေါင်းဆောင်တွေနဲ့ တွေ့ဆုံခဲ့ပြီး တိုင်းရင်းသား ပါတီတွေ တင်ပြတဲ့ ဒေသတွင်း လူ့အခွင့် အရေး အခြေအနေတွေကို နားထောင်ခဲ့တယ်လို့ သိရပါတယ်။ 

အဲဒီ တွေ့ဆုံပွဲမှာ ပါတီတွေက ပြည်တွင်း ငြိမ်းချမ်းရေးနဲ့ ပတ်သက်တဲ့ အနေအထားတွေကို တင်ပြခဲ့သလို မစ္စတာ ကင်တားနား ကလည်း သူ ဆောင်ရွက်နေတဲ့ ကိစ္စရပ်တွေကို ပြန်လည် ရှင်းလင်း တင်ပြခဲ့တယ်လို့ ဆွေးနွေးပွဲကို တက်ရောက်တဲ့ NDF ပါတီ ပြည်ထောင်စု လွှတ်တော် အမတ် ဒေါက်တာ သန်းဝင်းက ပြောပါတယ်။

“သူ့ကို အကြံပြုစရာရှိရင် ပြုပါဆိုပြီး အကြံဥာဏ်တောင်းတာ ဘယ်လိုလုပ်ဖို့ သင့်တယ်ဆိုတာကိုပါ၊ အဓိက ကတော့ နိုင်ငံရေး အကျဉ်းသားတွေ လွတ်ဖို့ သူဆောင်ရွက်နေတယ်။ နယ်စပ်မှာ မိုင်းရှင်းတဲ့ ကိစ္စကိုလည်း ကာကွယ်ရေးဝန်ကြီးနဲ့ သူဆွေးနွေးတယ်လို့ ပြောသွားတယ်” မစ္စတာ ကင်တားနားဟာ ပြည်သူ့ လွှတ်တော် ဥက္ကဌနဲ့ အမျိုးသား လွှတ်တော် ဥက္ကဌ တို့ကိုလည်း ဒီကနေ့ တွေ့ဆုံခဲ့ပါတယ်။