တရုတ်သို့ သွယ်တန်းမည့် ဂတ်စ်ပိုက်လိုင်း တည်ဆောက်ရန် အတွက် သန္တာကျောက်တန်းများကို မိုင်းခွဲ ဖြိုချနေမှုကြောင့် ရခိုင်ကမ်းရိုးတန်းတွင် ကျက်စားနေသော အဖိုးတန် ရေနေသတ္တ၀ါများ သေဆုံးမှုများ ရှိနေကြောင်း သတင်း ရရှိသည်။
မတ်လ ၇ ရက်နေ့က မောင်တောမြို့နယ် တောင်ပိုင်းတွင် ပင်လယ်ကမ်းခြေ တစ်နေရာတွင် သေဆုံး၍ တွေ့ရှိခဲ့သော ဝေလ ငါးမန်းကြီး နှစ်ကောင်မှာ ဂတ်စ် ပိုက်လိုင်း တည်ဆောက်ရန် ကျောက်တန်းများကို မိုင်းခွဲရာမှ ဒဏ်ရာရရှိပြီး သေဆုံး သွားသော ငါးများ ဖြစ်နိုင်ကြောင်း လေ့လာသုံးသပ် သူများက ပြောသည်။
သေဆုံးသွားသည့် ဝေလငါးမန်းများမှာ အဖိုတစ်ကောင်နှင့် အမတစ်ကောင်ဖြစ်ပြီး အဖိုကောင် မှာ အလျှား ၂၁ ပေ၊ လုံးပတ် ၁၂ ပေ ရှိပြီး အမကောင်မှာ အလျှား ၁၈ ပေ ၈ လက်မနှင့် လုံးပတ် ၈ ပေရှိကြောင်း သိရသည်။
“နစက အရာရှိတွေက ဒီငါးကိစ္စကို အထက်ကို အစီရင်ခံဖို့ မောင်တောငါးလုပ်ငန်း ဦးစီးဌာနကို လာမေးပါတယ်။ ငါးလုပ်ငန်း ဦးစီးဌာနကပြောတာက ဒီငါးတွေက ဒီဘက် မောင်တော ပင်လယ်ပြင်မှာ ကျက်စားတဲ့ ငါးတွေ မဟုတ်ဘူး။ ကျောက်ဖြူနဲ့ သံတွဲဘက်မှာ ကျက်စားတဲ့ငါးတွေ ဖြစ်တယ်။ ဒီငါးတွေဟာ အဲဒီဘက်က အကြောင်း တခုခုကြောင့် နယ်ပြောင်းလာတာ ဖြစ်နိုင်တယ်ဆိုပြီး မှတ်ချက်ပေးလိုက်ပါတယ်” ဟု မောင်တော ငါးလုပ်ငန်း ဦးစီးဌာနမှ တာဝန်ရှိသူ တစ်ဦးက ပြောသည်။
ယခုအခါ ကျောက်ဖြူမြို့နယ်အတွင်း ဂတ်စ်ပိုက်လိုင်း တည်ဆောက်ရန် အတွက် ရေအောက် သန္တာကျောက်တန်းများကို မိုင်းခွဲ ဖြိုဖျက်နေရာ အဆိုပါ ကျောက်တန်းများနှင့် အနီးတ၀ိုက်တွင် ခိုအောင်း ကျက်စားနေသော ငါးအများအပြား သေဆုံးနေပြီး တစ်ချို့ငါးများမှာ သူတို့ ကျက်စားရာ နေရာများကို စွန့်ခွာထွက်ပြေး နေကြသည်ဟု သိရသည်။
“မောင်တော ခရိုင် ငါးလုပ်ငန်း ဦးစီးဌာနကတော့ ဘာကြောင့် ဒီလို ငါးကြီးနှစ်ကောင် တပြိုင်တည်း သေဆုံးသွားတယ်ဆိုတာ တိတိကျကျ မှတ်ချက် မပေးနိုင်ဘူး။ သူတို့ပြောတာကတော့ ဒီငါးတွေဟာ ကျောက်ဖြူ- သံတွဲ ပင်လယ်ပြင်မှာ ကျက်စားတဲ့ ငါးတွေ ဖြစ်တယ်။ ရေလုပ်သားတွေ ပိုက်မှာ ဖမ်းမိပြီး ပြန်လွှတ်လိုက်လို့ သောင်တင်သေဆုံးတာလို့ ယူဆရတယ် ဆိုပြီး ပြောပါတယ်။
ဒီလောက်ကြီးတဲ့ ငါးကြီးတွေ ပိုက်မှာ မိပြီး ပြန်လည် လွှတ်ပေးဖို့ဆိုတာ ဖြစ်နိုင်ခြေမရှိပါဘူး။ ဒီကောင်တွေ ဒဏ်ရာ ရပြီး သေသွားတာက ဖြစ်နိုင်ချေများပါတယ်” ဟု မောင်တောမြို့မှ ငါးဖမ်းသမား တစ်ဦးက ပြောသည်။
၎င်းအပြင်အဆိုပါ ဝေလ ငါးမန်းများကို ငါးလုပ်ငန်းဦးစီးဌာနမှ ဖမ်းဆီးခြင်းပိတ်ပင် ထားကြောင်းကိုလည်း သိရသည်။
“ဒီငါးကြီးတွေဟာ ကျောက်ဖြူနှင့် သံတွဲ ပင်လယ်ပြင်တွေမှာ ကျက်စားတဲ့ ငါးအမျိုးအစားတွေ ဖြစ်တဲ့အတွက် ဒီဘက်မှာက ငါးတွေ မိုင်းဒဏ်ကြောင့်သေဆုံးမှုများ ရှိနေတဲ့အတွက် မိုင်းခွဲမှုကြောင့် သေဆုံးသွားတာလည်း ဖြစ်နိုင်ပါတယ်။ သန္တာကျောက်တန်းတွေကို အခု မိုင်းခွဲနေတာကြောင့် နေ့စဉ်လိုလို ပင်လယ်ပြင်မှာ ငါးတွေ အများအပြား သေဆုံးနေတာကို တွေ့နေရပါတယ်။ အထူးသဖြင့် သံကျောက်ကျေးရွာတို့၊ စွန်ပန်းချိန်ရွာနဲ့ စိုင်ခြုံဘက်မှာ ဖြစ်ပါတယ်” ဟု ကျောက်ဖြူ ဒေသခံတစ်ဦးက ပြောသည်။
ကျောက်ဖြူမြို့နှင့် တဘက်ကမ်း စွန်ပန်းချိန်တွင် ဂတ်စ်ပိုက်လိုင်း ရေအောက်ကို ချရန်အတွက် မညီမညာ ဖြစ်နေသော သန္တာကျောက်တန်းများကို မိုင်းခွဲ ဖြိုချနေပြီး မဇရိုင်းကျွန်းတွင် တည်ရှိသော မင်းကန်ကျေးရွာခေါ် သံကျောက်တွင်လည်း သန္တာကျောက်တန်းများကို မိုင်းခွဲ ဖြိုချနေကြောင်း သိရသည်။
သံကျောက်ကျေးရွာမှာ ရခိုင်ဘုရင်များ လက်ထက်က သံချက်ခဲ့သောနေရာ ဖြစ်ပြီး ရခိုင်ပြည်နယ် (၁၀) နှစ်မြောက် အထူးထုတ် ဆောင်းပါး တစ်ပုဒ်တွင် အဆိုပါ နေရာမှာ ရခိုင်ဘုရင်များသံချက်ခဲ့သော နေရာ ဖြစ်ကြောင်း ဖေါ်ပြထားသည်ဟု ကျောက်ဖြူဒေသခံများက ဆိုသည်။
ယခု သေဆုံးနေသော ဝေလငါး ငါးမန်းကြီး နှစ်ကောင်ကို မောင်တောမြို့နယ် တောင်ပိုင်း နစက နယ်မြေ ၈၊ အင်းဒင်ကျေးရွာအနီး ပင်လယ်ခြေ တနေရာတွင် မတ်လ ၇ ရက်နေ့ နံနက်ပိုင်းတွင် ရေလုပ်သားများမှ တွေ့ရှိခဲ့ပြီး ယခုအခါ ငါးများ၏ အရိုးစုများကို ရန်ကုန်ကို ယူဆောင်ရန် စီစဉ်နေကြောင်း သိရသည်။
ရခိုင်ကမ်းရိုးတန်းတွင် ဝေလငါးများ၊ ဝေလငါးမန်းများ ကျက်စားမှုများ ရှိခဲ့သော်လည်း အဆိုပါ ငါးများကို စနစ်တကျ ကာကွယ်စောင့်ရှောက်ခြင်း မရှိသဖြင့် ယခုအခါ ရှားပါးသွားပြီးဖြစ်ကြောင်း သိရသည်။
No comments:
Post a Comment