ကျနော်တို့နဲ့ အိန္ဒိယကတော့ နည်းနည်းလေး သွေးအေးနေတယ်" ။

သမ္မတဦးသိန်းစိန်၏ ဒုတိယကြိမ်မြောက် နိုင်ငံခြားခရီးစဉ် အဖြစ် အိန္ဒိယ နိုင်ငံသို့အောက်တိုဘာ လလယ်ပိုင်းတွင် သွားရောက်ရန်ရှိသည်ဟု သမ္မတ အကြံပေးပုဂ္ဂိုလ် ဒေါက်တာနေဇင်လတ်ကပြောဆိုသည်။

သမ္မတဦးသိန်းစိန်၏ အောက်တိုဘာလလယ်ပိုင်း အိန္ဒိယခရီးစဉ်အတွင်း နိုင်ငံရေးနှင့် စီးပွားရေးကိစ္စများကို အဓိက ထား ဆွေးနွေးဖွယ်ရှိပြီး နယ်စပ် လုံခြုံရေး ကိစ္စရပ်များလည်း ပါဝင်နိုင်သည်ဟု သိရသည်။

ယခုခရီးစဉ်မှာ သမ္မတသက်တမ်း ခြောက်လကျော်အတွင်းဒုတိယမြောက် နိုင်ငံခြားခရီးစဉ်ဖြစ် ပြီး မေလအ တွင်းက တရုတ်နိုင်ငံသို့ ပထမဆုံးအကြိမ် သွားရောက်ခဲ့သည်။

စက်တင်ဘာလ ၂၉ ရက်နေ့က တရုတ်နိုင်ငံနှင့် အကျိုးတူ လုပ်ကိုင်နေသည့် မြစ်ဆုံစီမံကိန်းရပ်ဆိုင်းမည်ဖြစ်
ကြောင်း သမ္မတအမိန့်ဖြင့် ထုတ်ပြန်ခဲ့ပြီးနောက် ယခုကဲ့သို့ ခရီးစဉ် ထွက်ပေါ်လာခြင်းမှာ ထူးခြားချက် ဖြစ်နေကြောင်း သုံးသပ်မှုများရှိနေပြီး အိန္ဒိယနှင့် တရုတ်တို့အပေါ် အင်အားချိန်ခွင် လျှာညီမည့် ခရီးစဉ်ဟုလည်းဒေါက်တာနေဇင်လတ်က ရှုမြင်ထားသည်။

ခရီးစဉ်အတွင်း ဆွေးနွေးနိုင်သည့်အကြောင်းများ၊ အိန္ဒိယ-မြန်မာ နိုင်ငံရေးနှင့်စီးပွားရေး အခြေအနေ၊ မြန်မာ့အရေးနှင့် အိန္ဒိယ၊ မြန်မာ တူညီသည့်အကြောင်းအရာ စသည်များနှင့် ပတ်သက်၍ ဒေါက်တာနေဇင်လတ်အား မဇ္ဈိမ သတင်းထောက် ထွန်းထွန်းက ဆက်သွယ် မေးမြန်းထားသည်။

မေး။  ။ အခု သမ္မတဦးသိန်းစိန်က အိန္ဒိယကို ခရီးထွက်မယ်လို့ သိရပါတယ်။ ဘယ်တော့လောက် သွားဖြစ်မလဲ။

“ဟုတ်ကဲ့။ အောက်တိုဘာလထဲမှာတော့ သေချာပါတယ်။ ဒါပေမဲ့ ဘယ်နေ့ဘယ်ရက် အတိအကျဆိုတာ ကတော့ ကျနော့်တို့မှာလည်း ပြောပိုင်ခွင့် မရှိပါဘူး။ နိုင်ငံတကာမှာလည်း သမ္မတရဲ့ ခရီးစဉ်နဲ့ပတ်သက်ပြီး ပြောလေ့ပြောထ မရှိပါဘူး”

မေး။  ။ ခရီးစဉ်အတွင်းကော ဘာတွေ ဆွေးနွေးတိုင်ပင်မယ်လို့ သိထားရသလဲ။

“ဒီခရီးစဉ်အသေးစိတ်တော့ ကျနော် မသိပါဘူးဗျ။ သို့သော်လည်း ပုံမှန်အနေနဲ့ကတော့ နိုင်ငံရေး၊ စီးပွားရေးပေါ့နော်။ ဒါတွေကတော့ အဓိက ပါတယ်ပေါ့ဗျာ။ ဒီ Issue နှစ်ခုကတော့ ဘယ်နိုင်ငံက အကြီးအကဲကပဲ ဘယ်နိုင်ငံကိုပဲ သွားသွားပေါ့ဗျာ။ နိုင်ငံရေးနဲ့ စီးပွားရေးကတော့ ဒါကတော့ Basic (အခြေခံ) ပေါ့နော်။ ဒီဟာတွေ ဖြစ်ဖို့ များပါတယ်”
မကြာသေးခင်ကလည်း ကုန်သွယ်ရေး ဝန်ကြီး ဦးဝင်းမြင့် အိန္ဒိယနဲ့ Trade Volume က နည်းသေးတယ် ဗျ။ ကျနော်တို့ ထိုင်း-မြန်မာ၊ ကျနော်တို့ အိမ်နီးနားချင်းဖြစ်တဲ့ China ပေါ့နော်။ Trade Volume က တော်တော်မြင့်တယ်လေ။

  မေး။  ။ အိန္ဒိယနဲ့ စီးပွားရေးနှစ်ဆ တိုးမယ်လို့ ပြောထားတော့ ဒီခရီးစဉ်ကကော စီးပွားရေးခရီးစဉ်တခုလို့ ဆိုနိုင်မလား။

“ရနိုင်ပါတယ်။ ကျနော်တို့ အိန္ဒိယနဲ့ Trade Volume ကနည်းသေးတယ်ဗျ။ ကျနော်တို့ ထိုင်း-မြန်မာ၊ ကျနော်တို့ အိမ်နီးနားချင်း ဖြစ်တဲ့ China ပေါ့နော်။ Trade Volume က တော်တော်မြင့်တယ်လေ။ အိန္ဒိယကတော့ တော်တော်လေး နည်းတာပေါ့။ နည်းတဲ့ အတွက်ကြောင့်မို့လို့ သူ့ဘက်ကိုလည်း ညှိဖို့ အလားအလား တွေရှိတယ်လို့ ကျနော်တို့ ယူဆနိုင်ပါတယ်”

မေး။  ။ အိန္ဒိယနဲ့ စီးပွားရေးနှစ်ဆ တိုးမယ်လို့ အခုအချိန်ကျမှ ပြောလာတာ ဘာကြောင့်လို့ ခန့်မှန်း မိပါသလဲ။

“ဒါက ဒီလိုရှိတယ်ခင်ဗျ။ ကျနော်တို့က အိန္ဒိယ၊ ဘင်္ဂလားဒေ့ရှ်၊ နောက်တခါ ဒီဘက်က China၊ ဒီဘက်ကြည့်မယ်ဆိုရင် Thailand ပေါ့။ အိမ်နီးနားချင်း နိုင်ငံတွေ ရှိတယ်ပေါ့ဗျာ။ ရှိတယ်ဆိုတော့ သာမန်အားဖြင့် နိုင်ငံတနိုင်ငံ ကတော့ ပတ်ဝန်းကျင်မှာရှိတဲ့ အိမ်နီးနားချင်းတွေနဲ့ပေါ့။ နိုင်ငံရေး အရလည်း ပြေလည်ဖို့ ဆောင်ရွက် ရတာရှိသလို ပေါ့ဗျာ။ စီးပွားရေးအရလည်း ကျနော်တို့က သာမန်အားဖြင့်ကတော့ Trade Volume ကို ကျော်တက်အောင် လုပ်ရတဲ့ သဘောတော့ ရှိတယ်ဗျ။ ဆိုတော့ အခုလောလောဆယ်မှာတော့ ကျနော်တို့နဲ့ အိန္ဒိယကတော့ နည်းနည်းလေးသွေးအေးနေတယ် ဆိုတဲ့ သဘောမျိုး အကြမ်းဖျဉ်း ပြောလို့ရတာပေါ့ဗျာ။ Trade အရကော၊ နိုင်ငံရေးအရကောပေါ့ဗျာ။ အဲဒီအတွက်ကို မြှင့်တင်တဲ့ သဘောလို့ သုံးသပ်လို့ ရပါတယ်”

မေး။  ။ ဒါဆိုရင် သွေးအေးနေတဲ့ နိုင်ငံရေး၊ စီးပွားရေးအရ တိုးမြှင့်ဖို့အတွက် ရည်ရွယ်တဲ့ ခရီးစဉ် တခုပေါ့။

“ပြောနိုင်ပါတယ်။ ဒါမှမဟုတ် ယူဆနိုင်ပါတယ်။ ဘာလို့ဆိုတော့ အိမ်နီးနားချင်း နိုင်ငံတွေ အကုန်လုံးနဲ့ ကတော့ ကျနော်တို့က တော်တော်လေး ထဲထဲဝင်ဝင်ပေါ့၊ ခိုင်ခိုင်မြဲမြဲပေါ့ဗျာ။ နိုင်ငံရေးအရ ချစ်ကြည်ရင်းနှီးမှု လိုသလိုပဲ တစုံတရာလည်း ကုန်သွယ်ရေးဘက်မှာလည်း မြှင့်တင်ဖို လိုပါတယ်ခင်ဗျာ”

မေး။  ။ အခု အိန္ဒိယ-မြန်မာပူးတွဲလုပ်နေတဲ့ ကုလားတန်မြစ်စီမံကိန်းဟာတိုးတက်မှုနည်းနေ တာ တွေ့ရပါ တယ်။ ဒါဟာ ဘာကြောင့်လို့ကော သိထားရပါသလဲ။

“အဲဒါကျတော့ဗျ…Specialist Issue တွေ ဖြစ်သွားပြီဗျ။ ဆိုတော့ ကျနော် ထင်တယ်… သက်ဆိုင်ရာဝန်ကြီး ဌာနတွေကတော့ ကျနော်တို့ထက် ပိုပြီးသိမယ်လေ။ ကျနော်တို့က နည်းနည်း အလှမ်းဝေးသွားတဲ့ အခါကျတော့ ကျနော်တို့ ဖြေရင်လည်း သိပ်ပြီးတော့ ပြည့်စုံလုံလောက်တဲ့ အဖြေမျိုး ပေးနိုင်မယ်လို့တော့ သိပ်မထင်ဘူးဗျ”

“အဲဒါက နှစ်ဖက်စလုံး ဖြစ်နိုင်တယ်လေ။ ဥပမာအားဖြင့် Project ကနေပြီးတော့ နိုင်ငံတခုကို ဘယ်လောက် အထိကောင်းရာကောင်းကျိုးတွေ ပြုနိုင်မလဲ၊ နောက်တခါ Project မှာ ထည့်သွင်းရမယ့် Investment တွေ ပေါ့ဗျာ။ Investment Sharing တွေမှာက တစုံတရာ အားနည်းမယ် ဆိုလို့ရှိရင်လည်း ဒီလိုမျိုး ဖြစ်နိုင်တယ်။ နောက်တခါနိုင်ငံရေး အရလည်း Delay (နောက်ကျ) ဖြစ်နိုင်တယ်ပေါ့။ Delay ဖြစ်နိုင်တဲ့ အကြောင်းအရင်းကလည်း အများကြီး ရှိပါတယ်။ အဲဒီထဲက တခုခုတော့ ဖြစ်လို့တော့ တူပါတယ်”

မေး။  ။အိန္ဒိယအရှေ့မြောက်က သူပုန်ကိစ္စတွေနဲ့ပတ်သက်ပြီးကော

လက်နက်ကိုင်ပြီးတော့ နိုင်ငံတနိုင်ငံမှာရှိတဲ့ အစိုးရတရပ်ကို ဆန့်ကျင်တဲ့ အဖွဲ့တွေအစည်းတွေ ရှိမယ် ဆိုရင်တော့ ဒါကိုတော့ တတ်နိုင် သလောက်ပေါ့ဗျာ။တတ်နိုင်ရင်လည်းပပျောက် အောင်ပေါ့ဗျာ။ မတတ်နိုင် တော့လည်း လျော့ ပါး သွားအောင်ပေါ့။ အဲဒီလို လုပ်လေ့လုပ်ထ ရှိတဲ့ အစီအစဉ်တွေတော့ ရှိတတ်ပါတယ်။

မေး။  ။ အခုခရီးစဉ်မှာ ထူးခြား တိုးတက်မှုတွေ ဘာတွေ ရှိလာနိုင် မလဲ။

“အကြီးအကဲတွေ သွားပြီဆိုရင်တော့ပေါ့ဗျာ…။ တကယ့် Major Issue ပေါ့။ နိုင်ငံတနိုင်ငံ တနိုင်ငံတိုင်းမှာ ရှိတဲ့ ခြိမ်းခြောက်မှု ရှိလာနိုင်တဲ့ ကိစ္စရပ်တွေ အကုန်လုံးကတော့ သာမန်အားဖြင့်တော့ ထည့်သွင်းဆွေးနွေး ကြလေ့ ရှိတယ်ဗျ။ ဒါလည်း One of the Major Issue မဟုတ်ပေမယ့်လည်း သိပ်ပေါ့ပေါ့တန်တန် Issue မျိုး တော့လည်း မဟုတ်ဘူးပေါ့ဗျာ။ ဒါတွေလည်း ပါရင်လည်း ပါလာနိုင်ကောင်းပါတယ်”

“နိုင်ငံတခုပေါ့ဗျာ။ ဘယ်နိုင်ငံပဲဖြစ်ဖြစ်ပါ။ ကျနော်တို့နိုင်ငံမှ မဟုတ်ပါဘူးဗျ။ တခြားနိုင်ငံတွေလည်း ဒီအတိုင်း ပဲဗျ။ လက်နက်ကိုင်ပြီးတော့ နိုင်ငံတနိုင်ငံမှာရှိတဲ့ အစိုးရတရပ်ကို ဆန့်ကျင်တဲ့ အဖွဲ့တွေ အစည်းတွေ ရှိမယ် ဆိုရင်တော့ ဒါကိုတော့ တတ်နိုင်သလောက်ပေါ့ဗျာ။ တတ်နိုင်ရင်လည်း ပပျောက်အောင်ပေါ့ဗျာ။ မတတ်နိုင်တော့လည်း လျော့ပါး သွားအောင်ပေါ့။ အဲဒီလို လုပ်လေ့လုပ်ထရှိတဲ့ အစီအစဉ်တွေတော့ ရှိတတ်ပါတယ်။ ကျနော် ထင်တယ်… တစုံတရာ အတိုင်းအတာအထိတော့ ညှိနှိုင်းမှုတော့ရှိလာနိုင်ပါတယ်”

မေး။  ။မြစ်ဆုံဆည်ရပ်ဆိုင်းထားပြီးတဲ့နောက် အခုလို အိန္ဒိယသွားမယ့်ခရီးစဉ်ဟာ နိုင်ငံရေးကြောင့် သွားရောက် တဲ့ခရီးစဉ်လို့ မပြောနိုင်ဘူးလား။

“မြစ်ဆုံနဲ့ကတော့ ဆက်စပ်မှု မရှိဘူးလို့ ကျနော်က ယူဆတယ်ခင်ဗျ။ ဘာကြောင့်လဲဆိုရင် မြစ်ဆုံက ဖြစ်ခဲ့တာက ရက်ပိုင်းပဲ ရှိသေးတယ်လေ။ တနိုင်ငံနဲ့ တနိုင်ငံ ထိပ်သီးတွေပေါ့ဗျာ။ သွားကြ လာကြတယ် ဆိုတာကတော့ အစောကြီးကတည်းက ညှိနှိုင်းထားတဲ့ သဘောတွေ ရှိတယ်ခင်ဗျ။ အချိန်ကာလ တွက်မယ် ဆိုရင်တော့ မြစ်ဆုံကတော့ မနေ့၊ တနေ့ကမှ ဖြစ်တဲ့ကိစ္စဗျာ။ တနိုင်ငံနဲ့ တနိုင်ငံမှာ ခေါင်းဆောင်ချင်းတွေ လည်ကြ ပတ်ကြ၊ ချစ်ကြည်မှု လုပ်ကြတဲ့အခါမှာတော့ လလောက်နဲ့ ချီပြီးတော့မှ ညှိနှိုင်းထားတာဖြစ်တဲ့ အတွက်ကြောင့် မို့လို့ ဆက်စပ်မှု တစုံတရာ ရှိမယ်လို့ ကျနော် မယူဆဘူးခင်ဗျ”

မေး။  ။အခုသွားမယ့် အိန္ဒိယခရီးစဉ်ဟာ တရုတ်ရဲ့ လွှမ်းမိုးမှုအပေါ် ချိန်ခွင်လျှာညှိနိုင်ဖို့အတွက် သွားတဲ့ခရီးစဉ် လို့ ပြောဆိုမှုတွေ ရှိနေပါတယ်။ ဒီတော့ ဆရာကကော ဘယ်လိုသုံးသပ်မိပါ သလဲ။

“နိုင်ငံကြီးတွေမှာတော့ ဒီမဟာဗျူဟာကတော့ ရှိတတ်တယ်၊ သုံးတတ်တယ်ဗျ။ အိန္ဒိယကလည်း ဘာပဲပြောပြော တဘီလျံလောက်ရှိတဲ့ Population (လူဦးရေတိုးတက်မှု) ရှိတဲ့ နိုင်ငံကြီးပေါ့ဗျာ။ သူ့လည်း အာရှ ဘက်မှာဆိုရင်နိုင်ငံကြီးထဲမှာ ပါတာပေါ့။ China ကလည်း ၁.၃ ဘီလျံ ကျော်ကျော်ရှိတဲ့ နိုင်ငံကြီးဆိုတော့ သူတို့နိုင်ငံကတော့ လူဦးရေ အရကပဲ ပြောပြော၊ Per Capital အရပဲ ပြောပြောဗျ၊ GDP အရပဲ ပြောပြောဗျ။ တော်တော်လေးကို သူ့တို့က ကြီးတဲ့ နိုင်ငံတွေကိုးဗျ။ ကျနော်တို့ နိုင်ငံမှတင် မဟုတ်ပါဘူး။ တခြား ဘယ်နိုင်ငံပဲ ဖြစ်ဖြစ်ပါဗျ။ တဘက်ဘက်နဲ့ သိပ်ပြီး နီးကပ်တယ်လို့ ယူဆရင်တော့ ကျန်တဲ့ဥစ္စာကတော့ Balance လုပ်တတ်တဲ့ သဘာဝတော့ ရှိတယ်ခင်ဗျ”
“ကျနော်တို့ နိုင်ငံငယ်တွေကလည်း ဒီအတိုင်းပဲ ပူပင်ရတယ်ခင်ဗျ။ ကျနော်တို့ နိုင်ငံတွေကလည်း အဲဒီလိုပေါ့။ ပတ်ဝန်းကျင် နိုင်ငံတွေနဲ့ ရင်းနှီးအောင် နေရတဲ့သဘောတော့ ရှိတယ်ခင်ဗျ။ အဲဒီသဘောပါပဲ”
စီးပွားရေးမှာကျတော့လည်း အိမ်နီးနားချင်းနိုင်ငံတွေက Trade ကို Volume ညှိကျရမယ့် သဘောပေါ့ဗျာ။ နောက် ချစ်ချင်ခင်ခင်၊ ကြင် ကြင်နာနာလေး ပိုပြီးတော့ ရှိကြရမယ့် သဘော ပေါ့ဗျာ။ တနိုင်ငံနဲ့ တနိုင်ငံ Understandingတွေ ပိုရမယ့်သဘောပေါ့ဗျာ။ အဲဒါတွေ အပိုင်း မှာတော့ ကျနော် ထင်တယ်… ဘုံရှိနေမှုတော်တော် များများတော့ တူသွားပါပြီဗျ    ။

မေး။  ။ အိန္ဒိယနဲ့ ခုလို ဆက်ဆံရေးတိုးတော့ တရုတ်နဲ့ ဆက်ဆံရေးမှာကောထိခိုက်လာနိုင်မလား။

“ဘယ်လို ပြောမလဲဆိုရင်တော့ အင်အားကြီးသွားတဲ့ နိုင်ငံတွေရဲ့ သဘော သဘာဝပေါ့နော်။ တရုတ်ရယ်၊ အိန္ဒိယ ရယ် ဆိုပြီး တော့ ခွဲတော့ မပြောတော့ဘူးပေါ့။ အင်အားကြီးသွားတဲ့ နိုင်ငံတွေကတော့ ဘာပဲပြောပြော တော့ဗျာ…နိုင်ငံတနိုင်ငံက ကိုယ့်ဘက်ကို ယိမ်းတာတော့ ပိုသဘောကျ ကျတယ်။ ဥပမာ တချိန်တုန်းက ဆိုရင် ကျနော်တို့က တဘက်က အမေရိကန်ဦးဆောင်တဲ့ အရင်းရှင်စနစ် ရှိတယ်၊ နောက် ဆိုဗီယက်ရုရှား ဦးဆောင်တဲ့ ကွန်မြူနစ် စနစ် တခုရှိတယ်ဗျ။ အဲဒီအင်အားကြီးနှစ်ခုမှာဆိုရင် တတ်နိုင်သလောက် နိုင်ငံငယ် လေးတွေကို ဆွဲထားတတ်လေ့ ရှိတယ်။ သူက အရင်းရှင်စနစ်ကို ပိုယိမ်းတဲ့နိုင်ငံ၊ တတ်နိုင်သလောက် Organize လုပ်တယ်။ တဖက်ကလည်း ဆိုဗီယက် ရုရှား ကလည်း ကွန်မြူနစ်စနစ်ကို လက်ခံအောင်လို့ ကျနော်တို့ တတိယနိုင်ငံ၊ ဒုတိယနိုင်ငံတွေကို ဆွဲပြီး စည်းရုံးတဲ့ သဘောတော့ ရှိတယ်”“နိုင်ငံကြီးလာပြီဆိုခဲ့လို့ရှိရင်တော့ ကိုယ်နဲ့ပိုပြီးတော့ နိုင်ငံတနိုင်ငံက ပိုရင်းနှီးတာမျိုးကိုတော့ လိုချင်ကြတယ်ဗျ။ ဒီသဘာဝလေးတွေတော့ ရှိကြပါတယ်။

မေး။  ။မြန်မာ့နိုင်ငံရေးကို စဉ်းစားကြတဲ့အခါ အိန္ဒိယကော မြန်မာပါ တူညီတဲ့ဧရိယာဟာ ဘာလို့ ပြောနိုင်မလဲ။

“အခုဆိုရင်တော့ ရှင်းသွားပါပြီ။ အိန္ဒိယက ကမ္ဘာ့အကြီးဆုံး ဒီမိုကရက်တစ် နိုင်ငံ ဖြစ်တာကိုး။ သန်းတထောင်ကျော် ရှိတဲ့ ဒီမိုကရက်တစ် နိုင်ငံပေါ့ဗျာ။ နိုင်ငံရေးအရဆိုရင် ကျနော်တို့ကလည်း ဒီမိုကရက်တစ်လုပ်ငန်းစဉ်ကို သွားပြီလေ။ သွားတဲ့ အခါကျတော့ ဒီမိုကရေစီ အရေးကတော့ ဘုံတူညီတဲ့ အမြင်ပေါ့ဗျာ။ ဘုံတူညီတဲ့ ရပ်တည်ချက် ပေါ့ဗျာ။ ဆိုတော့ ဘုံသဘောမျိုးတော့ ကျနော်တို့ ပြောလို့ရသွားပါပြီ။ ဒီအမြင်မှာတော့ ရသွားပြီပေါ့”

“နောက်တခုက စီးပွားရေးမှာကျတော့လည်း အိမ်နီးနားချင်းနိုင်ငံတွေက Trade ကို Volume ညှိကျရမယ့် သဘော ပေါ့ဗျာ။ နောက် ချစ်ချင်ခင်ခင်၊ ကြင်ကြင်နာနာလေး ပိုပြီးတော့ ရှိကြရမယ့်သဘောပေါ့ဗျာ။ တနိုင်ငံနဲ့ တနိုင်ငံ Understanding တွေ ပိုရမယ့်သဘောပေါ့ဗျာ။ အဲဒါတွေအပိုင်းမှာတော့ ကျနော် ထင်တယ်… ဘုံရှိနေမှု တော်တော် များများတော့ တူသွားပါပြီဗျ”

မေး။  ။ဒီခရီးစဉ်မှာကော မြန်မာနိုင်ငံအတွက် ဘယ်လို အကျိုးရလဒ်ရှိမယ်လို့ မျှော်လင့်ထားလဲ။

“ရှိနိုင်တယ်ဗျ။ အနည်းဆုံးကတော့ Trade ပိုင်းဆိုင်ရာမှာတော့ Volume ကြီးသွားနိုင်တယ်။ နောက်တခါ သမ္မတကြီး တွေ အဆင့် သွားကြပြီဆိုတဲ့ အခါကျတော့ တနိုင်ငံနဲ့ တနိုင်ငံကတော့ ပိုပြီးတော့ နားလည်မှုတွေ ရှိလာနိုင်တယ်။ ယုံကြည်မှုတွေ နိုင်ငံရေးအရလည်း ပိုရှိလာနိုင်တယ်။ စီးပွားရေးအရကော၊ နိုင်ငံရေး အရကောပေါ့ဗျာ။ နှစ်ဖက်စလုံး မှာတော့ နှစ်နိုင်ငံလုံးပေါ့ဗျာ အကျိုးအမြတ်တော့ ပိုရှိလာနိုင်တယ်ပေါ့”
“စီးပွားရေးကျတဲ့အခါကျတော့ ဒါက Technology Advantage ရှိတဲ့သူကတော့ ပိုအကျိုး အမြတ်ရှိတာပေါ့ဗျာ။
နောက် Raw Material ထွက်ပြီးတော့မှ Technolgy Add လုပ်ပြီးတဲ့အခါမှ ပို့နိုင်တဲ့သူ ကတော့ အကျိုးအမြတ် ပိုရှိမှာပေါ့နော်။ ဒါ အိန္ဒိယပိုင်းက သာတယ်ဆိုရင်တော့လည်း အိန္ဒိယက အကျိုး အမြတ် ပိုရှိမယ်။ မြန်မာဘက်က သာတယ်ဆိုရင်တော့လည်း မြန်မာဘက်က ပိုပြီး အကျိုးရှိမှာပေါ့”

အုန်းဖျန်စခန်းမှ ဒုက္ခသည်များကို ဂျပန် လက်ခံရန်ရှိ

ထိုင်း-မြန်မာနယ်စပ် ဒုတိယအကြီးဆုံး အုန်းဖျန်စခန်းမှ ဒုက္ခသည်များကို ဂျပန်နိုင်ငံက လက်ခံမည်ဖြစ်ပြီး ပထမအသုတ် ရွှေ့ပြောင်းမှုကို ၂ဝ၁၃ ခုနှစ် စက်တင်ဘာတွင် ပြုလုပ်မည်ဟု စခန်း တာဝန်ရှိသူများက ပြောသည်။

“၂ဝ၁၂ စက်တင်ဘာလမှာ စတင်ပြီးတော့ သူတို့ (စာရင်းစီစစ်ခြင်း) လက်ခံမယ်။ ၂ဝ၁၃ ခုနှစ် စက်တင်ဘာလမှာ စတင်ပြီးတော့ ထွက်ရမယ်” ဟု စခန်းဥက္ကဋ္ဌ ဦးစောဝါးထီးက မဇ္ဈိမကို ပြောသည်။

ဂျပန်တာဝန်ရှိသူများနှင့် မြန်မာနိုင်ငံ မြဝတီမြို့ တဘက်ကမ်းရှိ မဲ့ဆာက်မြို့ရှိ UNHCR ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံးခွဲမှ တာဝန်ခံများက ဇူလိုင်လအတွင်းက ထိုင်းနိုင်ငံ တာ့ခ်ခရိုင်အတွင်းရှိ ဒုက္ခသည်စခန်းများသို့ လာရောက်ခဲ့စဉ် ဂျပန်နိုင်ငံတွင် အခြေချ နေထိုင်ရန် စိတ်ဝင်စားသူ ၂ဝဝ ခန့်နှင့်လည်း တွေ့ဆုံခဲ့သည်။

ဂျပန်နိုင်ငံသည် အကြီးဆုံး ဒုက္ခသည် စခန်းဖြစ်သည့် မယ်လစခန်းမှ ဒုက္ခသည်များကို ခေါ်ယူနေခဲ့ရာမှ ယခုတွင် တိုးချဲ့ ခေါ်ယူခြင်းလည်း ဖြစ်သည်။ လူဦးရေမည်မျှအထိ လက်ခံမည်ကို ဂျပန်အစိုးရဘက်မှ ထုတ်ဖော်ပြောဆိုခြင်း မပြုသေးပါ။

မဲ့ဆောက်မြို့တောင်ဘက် ၇၅ ကီလိုမီတာခန့်အကွာရှိ အုန်းဖျန်စခန်းတွင် ဒုက္ခသည် ၂၅,ဝဝဝ ကျော်ရှိရာ ၁၁,၄ဝ၄ ဦးသာ UNHCR မှ အသိအမှတ်ပြုခံထားရပြီး ကျန်သူများမှာ လျှောက်ထားဆဲ ဖြစ်သည်။  အသက် ၆ဝ ကျော်သူ၊ ကိုယ်လက်မသန်စွမ်းသူနှင့် ကျန်းမာရေး မကောင်းသူများကို ခေါ်ယူမည် မဟုတ်ဟု ဂျပန်အစိုးရဘက်မှ ကန့်သတ် ထားသည်။ စခန်းတွင် အသက် ၇ဝ ကျော် ၁၄ဝ ခန့်နှင့် မသန်မစွမ်းသူ ၁ဝဝ ခန့်ရှိသည်ဟု စခန်းတာဝန်ရှိသူများထံမှ သိရသည်။

“ကျနော်တို့ ဒုက္ခသည်များ ထွက်ရာပေါက်လမ်းကတော့၊ အနာဂတ်ဘဝရဲ့ လှပဖို့အတွက် လမ်းကတော့ ဒီ တတိယနိုင်ငံ တလမ်းပဲ ရှိတာကိုး။” ဟု စခန်းဥက္ကဋ္ဌ ဦးစောဝါးထီးက ဆိုသည်။

ဒုက္ခသည်များအကြား ဦးစားပေး ရွေးချယ်လေ့ရှိသည့် နိုင်ငံများတွင် အမေရိကန်က ထိပ်ဆုံးမှရှိနေပြီး  ဂျပန်နိုင်ငံသို့ သွားရောက်နိုင်ရန် အချိန်ကြာမြင့်စွာ စောင့်စားရမှုကလည်း ဒုက္ခသည်များအတွက် ဂျပန်နိုင်ငံကို စိတ်ဝင်စားမှု လျော့ပါးစေသည်။

၁၉၉၉  ခုနှစ် သြဂုတ်လက တည်ထောင်ခဲ့သော အုန်းဖျန် ဒုက္ခသည်စခန်းတွင် ရပ်ကွက်ပေါင်း ၁၆ ခုရှိသည်။ ယခုအထိ စခန်းမှတဆင့် တတိယနိုင်ငံသို့ ရွှေ့ပြောင်းသွားသူပေါင်း တသောင်းကျော် ရှိပြီဖြစ်ကာ ၇၅ ရာခိုင်နှုန်းခန့်မှာ အမေရိကန်နိုင်ငံသို့ ဖြစ်သည်။ ကျန်အနည်းစုမှာ  သြစတြေးလျ၊ နယူးဇီလန်၊ ဆွီဒင်၊ နော်ဝေ၊ ကနေဒါနှင့် အင်္ဂလန်တို့တွင် အခြေချလျက် ရှိသည်။

မကြာသေးမီကလည်း စခန်းအတွင်း မြန်မာပြည် ပြန်လိုသူများနှင့် တတိယနိုင်ငံ ထွက်သွားပြီးသူ၊ တတိယနိုင်ငံသို့ ထွက်ရန် လျှောက်ထားသူနှင့် ထိုင်းနိုင်ငံတွင်း ဆက်လက်နေထိုင်မည့်သူ စာရင်းများ ကောက်ခံရန်အတွက် ထိုင်းအာဏာပိုင်းများက ညွှန်ကြားခဲ့သည်။ မည်သည့်အတွက်ကြောင့် ကောက်ခံခိုင်းသည်ကို မသိရသော်လည်း ပညာ အရည်အချင်း စစ်တမ်းနှင့် ထိုင်းနိုင်ငံတွင်း မွေးဖွားသူများကို မှတ်တမ်းယူခဲ့သည်ဟု စခန်းဥက္ကဋ္ဌ ဦးစောဝါးထီးက ပြောသည်။

သက်ဆိုင်ရာ ရပ်ကွက်မှူးများက စတင်ကောက်ယူနေပြီးဖြစ်ကာ စက်တင်ဘာလ ၇ ရက်နေ့ နောက်ဆုံးထား၍ စခန်းတာဝန်ရှိသူများထံ အပ်နှံရန် စီစဉ်နေပြီ ဖြစ်သည်။ ယင်းကဲ့သို့ ကောက်ယူမှုကြောင့် ထိုင်းအာဏာပိုင်များမှ စခန်းဖျက်သိမ်းမည်ကို ဒုက္ခသည်များ စိုးရိမ်နေကြသည်။

စကားလုံးပြောင်းပြီး နိူင်ငံရေးအကျဉ်းသားအရေး လွတ်တော်တင်။

နိုင်ငံရေး အကျဉ်းသားမရှိဟု မြန်မာအစိုးရမှ ငြင်းဆိုနေခြင်းကြောင့် "နိုင်ငံရေး အကျဉ်းသား" ဟူသည့် အသုံးအနှုန်းကို ရှောင်ကာ "ယုံကြည်ချက်ကြောင့် အကျဉ်းကျခံနေရသူများ" စကားရပ်ဖြင့် နိုင်ငံရေး အကျဉ်းသားများ လွှတ်မြောက်ရေး လွတ်ငြိမ်းချမ်းသာခွင့်ပေးရန် အဆိုကို ကြာသပတေးနေ့ လွှတ်တော်တွင်
ပြည်သူ့လွှတ်တော်အမတ် ဦးသိန်းညွန့်က တင်သွင်းလိုက်သည်ဟု ပြည်သူ့လွှတ်တော်အမတ်များက ပြောသည်။

"အစိုးရဘက်က နိုင်ငံရေး အကျဉ်းသားမရှိဘူးလို့ ပြောထားတဲ့အတွက် ကျနော်တို့က အစိုးရရဲ့ လုပ်ဆောင်မှုတွေပြောဆိုမှုတွေ ကြားထဲမှာ ကျနော်တို့က လိုက်ပြီးလုပ်နေရတဲ့သူတွေအဖို့ ကိုယ်ပြောတဲ့စကားက ဘောင်မဝင်မှာစိုးလို့ ယုံကြည်ချက်ကြောင့် အကျဉ်းကျနေသူများ ဆိုပြီးတော့ သုံးလိုက်တဲ့ အသုံးအနှုန်းကို သုံးလိုက်တာဖြစ်တယ်" ဟု ပြည်သူ့လွှတ်တော်အမတ် ဦးခိုင်မောင်ရည် က ဆိုသည်။

သင်္ကန်းကျွန်း လွှတ်တော် အမတ် ဦးသိန်းညွန့်သည် မတ်လအတွင်းပြုလုပ်သည့် လွှတ်တော် အစည်းအဝေးတွင်နိုင်ငံရေး အကျဉ်းသားများလွှတ်ပေးရေးအဆိုကို တင်သွင်းခဲ့သေးသော်လည်း လွှတ်တော်တွင်း မဆွေးနွေးမီ မီဒီယာများသို့ ပေါက်ကြားခဲ့ခြင်းကြောင့်ဟုဆိုကာလွှတ်တော်တွင်း ဆွေးနွေးခွင့် ပိတ်ပင်ခံခဲ့ရသည်။

"နိုင်ငံရေအကျဉ်းသားမရှိဘူးဆိုတဲ့အပေါ်မှာ နိုင်ငံရေးရာကို ပြောင်းအောင်လုပ်တာ နိုင်ငံရဲ့ ရေးရာကိုလုပ်တာနိုင်ငံရေး အကျဉ်းသားသမားချည်းပဲ။ အဲဒီအပြင် မတရားအသင်း ဥပဒေ၊ နိုင်ငံတော်ကို ပုန်ကန်မှု၊ အစိုးရကိုအသရေ ပျက်အောင်လုပ်မှုတို့၊ ၁၉၇၅ ခုနှစ် နိုင်ငံတော်အား ဖျက်ဆီးလိုသူများ ဥပဒေ၊ အဲဒါတွေ အားလုံးကနိုင်ငံရေးပြစ်မှုလို့ သတ်မှတ်ထားတယ်။ မြန်မာပြည်မှာက နိုင်ငံတော်လုံခြုံရေးအရ ယုံကြည်ချက်ကြောင့် ဖမ်းဆီးခံရသူအားလုံးက ကျနော်ကတော့ နိုင်ငံရေးအကျဉ်းသားလို့ပဲ မြင်တယ်" ဟု ဦးသိန်းညွန့်ကမဇ္ဈိမကို ပြောသည်။

ယခုနှစ် မေလ အတွင်းက သမ္မတ ဦးသိန်းစိန်မှ ထုတ်ပြန်ခဲ့သည့် ပြစ်ဒဏ် လျော့ပေါ့မှုအမိန့်သည် လုံလောက်မှု မရှိသေးကြောင်းလည်း ဦးသိန်းညွန့်၏ ယုံကြည်ချက်ကြောင့် အကျဉ်းကျခံနေရသူများအတွက် အထွေထွေ လွတ်ငြိမ်းချမ်းသာခွင့် အဆိုတွင် ထောက်ပြတင်သွင်းသွားသည်။

ကြာသပတေးနေ့ ပြည်သူ့လွှတ်တော် အစည်းအဝေးတွင် ဦးသိန်းညွန့်ကပင် ၂၁ ရာစုနှင့် ညီညွတ်သော လူ့ဂုဏ်သိက္ခာကို အာမခံသော အကျဉ်းထောင်အက်ဥပဒေ မူကြမ်းရေးဆွဲပြီး ပြည်သူ့လွှတ်တော် အစည်းအဝေးသို့ တင်ပြဆွေးနွေးရန် အဆိုကို တင်သွင်းခဲ့ပြီး သောကြာနေ့တွင် ဆက်လက် ဆွေးနွေးရန် သင့်မသင့် ဆုံးဖြတ်မည်ဖြစ်သည်။

ဗုဒ္ဓဟူးနေ့တွင် တင်သွင်းခဲ့သည့် ဦးသိန်းညွန့်၏ တရားရုံးများကို မထေမဲ့မြင်ပြုသည့် ဥပဒေကို ဖျက်သိမ်းရန်
အဆိုသည် လွှတ်တော်အမတ်များ၏ ကန့်ကွက်ဆွေးနွေးမှုကြောင့် လွှတ်တော်က ဆက်လက် ဆွေးနွေးခြင်းမပြုရန် ဆုံးဖြတ်ခဲ့သည်။

ပြည်သူ့လွှတ်တော် အစည်းအဝေးတွင် လွှတ်တော်အမတ်များမှ မေးခွန်း ၈ ခုကိုလည်း မေးမြန်းခဲ့သေးသည်။

လွှတ်တော် အမတ်ဦးသိန်းညွန့်၏ အာဇာနည်နေ့ ဥသြဆွဲသံ မြန်မာ့အသံမှ ပြန်လည် ထုတ်လွှင့်ပေးနိုင်ခြင်း ရှိမရှိကိုပြည်ထောင်စုဝန်ကြီး ဦးကျော်ဆန်းက ယခုခေတ် သမယတွင် မော်တော်ယာဉ်စီးရေမှာ အလွန်များပြားလာသဖြင့် မလိုလားအပ်သော ပြဿနာများ မဖြစ်ရလေအောင်ဟု မလုပ်ဆောင်နိုင်ကြောင်း ပြန်လည် ဖြေကြားသွားသည်။
မြန်မာနိုင်ငံတဝှမ်းတွင် မှတ်ပုံတင်ထားသည့် မော်တော်ယာဉ်စီးရေ နှစ်သန်းကျော် ရှိသည်။

အင်းစိန် မဲဆန္ဒနယ်မှ ဦးအေးမြင့်၏ အမျိုးသား စာပေဆု ချီးမြှင့်ငွေ တိုးမြှင့်ပေးရန်ရှိ မရှိ မေးခွန်းကို မေးမြန်းရာ ဝန်ကြီးဦးကျော်ဆန်းက ကျပ်ငွေ ၆ သ်ိန်းမှ ၈ သိန်းအထိ တိုးမြှင့်ပြီးဖြစ်ကြောင်း ပြောသည်။

ယင်းအပြင် ကွမ်ဟိန်း မဲဆန္ဒနယ်မှ ဒေါ်နန်းဝါနု၏ တိုင်းရင်းသားများ သွေးစည်းညီညွတ်ရေးနှင့် ပြည်တွင်း ငြိမ်းချမ်းရေးအတွက် နိုင်ငံတော်မှ ဆောင်ရွက်ထားရှိမှုအခြေအနေကို မေးမြန်းရာ ဝန်ကြီးဦးကျော်ဆန်းမှ ငြိမ်းချမ်းရေး ကော်မတီများ ဖွဲ့စည်းဆောင်ရွက်ထားပြီးဖြစ်ကြောင်း ဖြေကြားသည်။

ယင်းအပြင် ဒဂုံမြို့သစ်မဲဆန္ဒနယ်မှ ဒေါ်စုစုလှိုင်၏ ရန်ကုန်မြို့တွင်း တောင်းရမ်းစားသောက်သူများ အရေး
ဆောင်ရွက်မှု အခြေအနေ၊ ကျောက်တံတား မဲဆန္ဒနယ်မှ ဦးစိုးဝင်း၏ ပြည့်တန်ဆာခန်းများ အရေးယူပေးရေး
မေးခွန်းကို ပြည်ထောင်စုဝန်ကြီး ဦးကိုကိုမှ ပြည့်တန်ဆာနှင့် ပတ်သက်သည့် အမှု ၂,၉၅၂ မှုနှင့် စည်းကမ်းချက်နှင့် မညီသည့် ကာရာအိုကေဆိုင်များမှ အမျိုးသမီး ၁,၅၉၁ ယောက်တို့ကို အရေးယူပြီးဖြစ်ကြောင်း ဖြေကြားသည်။

ကြာသပတေးနေ့ အမျိုးသားလွှတ်တော် အစည်းအဝေးတွင် ဒေါက်တာမြဦးမှ ဗုဒ္ဓဟူးနေ့တွင် တင်သွင်းခဲ့သည့်
ကျေးလက် ကျန်းမာရေးစောင့်ရှောက်မှု တိုးမြှင့်ရေးအဆိုကို လွှတ်တော်မှ သဘောတူပြီး လာမည့် ပြည်ထောင်စု လွှတ်တော်တွင် ဆက်လက်ဆွေးနွေးမည်ဖြစ်သည်။

အမျိုးသား လွှတ်တော်အမတ် စောထွန်းမြင့်အောင်၏ ဖာဖွန် လေယာဉ်ကွင် ပြန်ဖွင့်ပေးရန် ရှိမရှိမေးခွန်းကို
ဆောက်လုပ်ရေး ဝန်ကြီး ဦးခင်မောင်မြင့်မှ လုံခြုံရေး အခြေအနေအရ လေယာဉ် ပျံသန်းခွင့် မပြုခြင်းဖြစ်ကြောင်းဖြေကြားသည်။

ကြာသပတေးနေ့ လွှတ်တော် အစည်းအဝေးများကို နံနက် ၁ဝ နာရီတွင်ကျင်းပကာ၊ ပြည်သူ့လွှတ်တော်သည်
နေ့လည် ၂ နာရီတွင် ပြီးဆုံးပြီး၊ အမျိုးသားလွှတ်တော်သည် ညနေ ၄ နာရီတွင် ပြီးဆုံးသည်။

ဒေါ်အောင်ဆန်းစုကြည်နှင့် သမ္မတ ခေါင်းစဉ်ကြောင့် ဂျာနယ် သတိပေးခံရ။

ဒေါ်အောင်ဆန်းစုကြည်နှင့် ပတ်သက်သော လူအများ အာရုံစိုက်သည့် မျက်နှာဖုံး သတင်း ခေါင်းစဉ်ကြောင့် ပြန်ကြားရေးဝန်ကြီးဌာန စာပေစိစစ်ရေးမှ သစ္စာဂျာနယ်ကို ခေါ်ယူ သတိပေးခဲ့သည်ဟု စာပေစိစစ်ရေး ဌာန အရာရှိတဦးက ပြောသည်။

“နိုင်ငံတော်သမ္မတ ဒေါ်အောင်ဆန်းစုကြည်နှင့် တွေ့ဆုံ” ဟူသည့် သတင်းခေါင်းစဉ်ဖြင့် သြဂုတ်လ ၂၁ ရက်နေ့တွင် ဖြန့်ချိသည့် သစ္စာဂျာနယ် မျက်နှာဖုံးတွင် ပါရှိခဲ့သည်။

“မြန်မာစာက အထားအသိုလွဲရင် အဓိပ္ပာယ် ပြောင်းသွားတာ ဖြစ်နိုင်တယ်လေ။ ဒါနဲ့ ပတ်သက်ပြီး သူတို့ကို ခေါ်သတိပေးတာပါပဲ။ အရေးယူတာမျိုး မလုပ်ပါဘူး” ဟု  အမည်မဖော်လိုသော စိစစ်ရေး အရာထမ်းက ပြောသည်။  စာပေစိစစ်ရေးဌာနက မဇ္ဈိမ၏ ဆက်သွယ်မေးမြန်းချက်ကို ဖြေကြားခြင်းမှာလည်း ပထမဆုံး ဖြစ်သည်။

ဂျာနယ်ဘက်ကမူ ယင်းသတင်းခေါင်းစဉ်ကို အထင်လွှဲမှားစေရန် ထွင်ရေးခြင်းမျိုး မဟုတ်ပဲ သတင်းခေါင်းစဉ်ကို တိုတိုကျစ်ကျစ်နှင့် စာဖတ် ပရိသတ် သိမှတ်လွယ်စေရန် အတိုချုံ့ ရေးသားခဲ့ခြင်းသာ ဖြစ်သည်ဟု အယ်ဒီတာချုပ် ဦးမျိုးညွန့်မောင် က ပြောသည်။

“ သတင်းခေါင်းစဉ်ကို တိုတိုကျစ်ကျစ် ဖြစ်အောင် လုပ်ထားတဲ့ သဘောပါပဲ၊ အဓိကကတော့ ပုံကိုပဲ အားယူထား တာပါ။ ခေါင်းစဉ်ကလည်း ရှည်ရင် ကျပ်သွားမှာ စိုးလို့လေ” ဟု ဦးမျိုးညွန့်မောင် က မဇ္ဈိမကို ပြောသည်။

သစ္စာဂျာနယ်က စာပေစိစစ်ရေးသို့ မူကြမ်းတင်စဉ်နှင့် ပုံနှိပ် ထုတ်ဝေရာတွင် ကွဲလွဲမှု အချို့ ရှိခဲ့သည်ကိုလည်း သတိပေး ပြောဆိုလိုက်သည်ဟုလည်း အထက်ပါ စိစစ်ရေး အမှုထမ်းက ပြောသည်။

သစ္စာသတင်း ခေါ် True News ဂျာနယ်သည် သမ္မတ ဦးသိန်းစိန် အစိုးရ တက်လာပြီးနောက် “ဂျာနယ် တာဝန်ယူရန်” ဟု သတ်မှတ်ထားသည့် သတင်းကို ဖော်ပြမှုဖြင့် စာပေစိစစ်ရေး၏ ပထမဆုံးအကြိမ် ပိတ်ပင်မှု ခံခဲ့ရသည်။

ယင်းအပြင်၂ဝဝ၈ ခုနှစ်ကလည်း ထိုင်းနိုင်ငံ၌ မြန်မာကလေး လုပ်သားတဦး အလုပ်လုပ်နေသည့် ဓါတ်ပုံအား ဖေါ်ပြခဲ့သဖြင့် ၂ လ ပိတ်ပင်ခံခဲ့ရ ထုတ်ဝေခွင့် နှစ်ပတ် ပိတ်ပင်ခံခဲ့ရဖူးသည်။

ယခင်က ပြည်တွင်း ဂျာနယ်များတွင် ဒေါ်အောင်ဆန်းစုကြည်၏ ပုံများအား ဖေါ်ပြခွင့် ကန့်သတ်ချက်များ ရှိသော်လည်း သြဂုတ်လ ၁၉ ရက်နေ့ နောက်ပိုင်းတွင် သမ္မတနှင့် တွေ့ဆုံသည့် ပုံများ အပါအဝင် ဒေါ်အောင်ဆန်းစုကြည်၏ ဓါတ်ပုံနှင့် သတင်းများအပေါ် ကန့်သတ်ချက်ကို လျော့ချပေးခဲ့သည်။

ယင်းသို့ ဖေါ်ပြခွင့် ပြုခဲ့ခြင်းသည် မီဒီယာ ခေတ်ရေစီးကြောင်းအရ လမ်းဖွင့်ပေးရခြင်း ဖြစ်သည်ဟု စိစစ်ရေး တာဝန်ရှိသူက ပြောသည်။

“ကျနော်တို့ သွားနေတာကလည်း ဖွဲ့စည်းပုံ အခြေခံ ဥပဒေနဲ့ အညီ စာပေ လွတ်လပ်ခွင့်နဲ့ ပတ်သက်ပြီး ပြုပြင်ပြောင်းလဲ လာတာပဲ။ တစ်ဘက်ကလည်း စာပေခေတ်ရေစီးကြောင်း အရလည်း ဖွင့်ပေးလာရတာပဲ” ဟု သူက ပြောသည်။

အစိုးရသစ် သမ္မတဦးသိန်းစိန် ၏ ပထမဆုံး မိန့်ခွန်းတွင် စတုတ္ထမဏ္ဍိုင်ဖြစ်သည့် စာနယ်ဇင်းများ၏ အခန်းကဏ္ဍကို အလေးထားဖို့ လိုအပ်ကြောင်းနှင့် စာနယ်ဇင်းများမှတဆင့် ပြည်သူများ သိသင့်အချက်များကို အသိပေးသွားဖို့ လိုသလို  ထိုစာနယ်ဇင်းများ၏ အပြုသဘောဆောင် အကြံပြုချက်များကိုလည်း အလေးထားဖို့ လိုအပ်ကြောင်း ပြောဆိုထားသည်။

မီဒီယာ လွတ်လပ်ခွင့်ကို ရှေးရှုသည့် ခြေလှမ်းတရပ် အနေဖြင့် ပြည်သူ့လွှတ်တော် ဥက္ကဋ္ဌ သူရ ဦးရွှေမန်းက သတင်းမီဒီယာများ၏ ဝေဖန်အကြံပြုမှုကို ခံယူသွားမှာဖြစ်ကြောင်း သြဂုတ်လ ၂၂ ရက်နေ့ ပြန်လည် စတင်သည့် ပထမအကြိမ် ပြည်သူ့လွှတ်တော်၏ ဒုတိယ ပုံမှန် အစည်း အဝေးတွင် ပြောသွားသည်။ ထိုနေ့ လွှတ်တော် အစည်းအဝေးများတွင် သတင်းမီဒီယာများကို ပထမဆုံး အကြိမ် အဖြစ် စတင် သတင်းယူခွင့်ပြုခဲ့သည်။

ကုလသမဂ္ဂလူ့အခွင့်ရေးကိုယ်စာလှယ်နှင့် ပြည်သူ့လွတ်တော်ဥက္ကဌနေပြည်တော်တွင်တွေ့ဆုံ။

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ သောမတ်စ် အိုဂျေကွင်တားနား Tomas Ojea Quintana နှင့် ပြည်သူ့လွှတ်တော် ဥက္ကဌ သူရဦးရွှေမန်းတို့ကို နေပြည်တော်တွင် အင်္ဂါနေ့  သြဂုတ် ၂၃ ရက်၊ ၂ဝ၁၁ ခုနှစ်က တွေ့ရစဉ်။ (ဓာတ်ပုံ- မဇ္ဈိမ။)

မြန်မာနိုင်ငံ လူ့အခွင့်အရေး အခြေအနေကို လေ့လာရန် ရောက်ရှိနေခဲ့သူ မစ္စတာ ကွင်တားနားသည် ဗုဒ္ဓဟူးနေ့တွင် ရန်ကုန်မြို့ အင်းစိန် အကျဉ်းထောင်သို့ သွားရောက် လေ့လာမှာ ဖြစ်သည်။ မြန်မာ အကျဉ်းထောင်များတွင် နိုင်ငံရေး အကျဉ်းသား ၁၉၉၅ ဦး ရှိသည်။

ဒေါ်အောင်ဆန်းစုကြည် အလုပ်ရုံ ဆွေးနွေးပွဲ တက်ရောက်အပြီး ရန်ကုန်မြိုသို့ပြန်လည်ထွက်ခွာ။

အတိုက်အခံ ခေါင်းဆောင် ဒေါ်အောင်ဆန်းစုကြည်သည် စနေနေ့ နံနက်က နေပြည်တော်
မြန်မာ အပြည်ပြည်ဆိုင်ရာ ကွန်ဗင်းရှင်း ဗဟိုဌာနတွင် ပြုလုပ်သော အမျိုးသားအဆင့် စီးပွားဖွံ့ဖြိုးတိုးတက်ရေး အလုပ်ရုံ ဆွေးနွေးပွဲသို့ တက်ရောက်ခဲ့ပြီး ရန်ကုန်သို့ ပြန်လည် ထွက်ခွာသွားပြီ ဖြစ်သည်။

သမ္မတ ဦးသိန်းစိန်နှင့် နိုင်ငံရေး တွေ့ဆုံဆွေးနွေးခဲ့သော ဒေါ်အောင်ဆန်းစုကြည်သည် မြန်မာ အပြည်ပြည်ဆိုင်ရာ ကွန်ဗင်းရှင်း ဗဟိုဌာနတွင် ပြုလုပ်သော နိုင်ငံ့စီးပွား ဖွံ့ဖြိုးတိုးတက်ရေး အလုပ်ရုံ ဆွေးနွေးပွဲသို့လည်း တက်ရောက်ခဲ့သည်။

နံနက် ၉  နာရီမှ စတင်၍ သူ၏ မိတ်ဆွေ သမ္မတ၏ စီးပွားရေး အကြံပေး ဦးမြင့်တို့နှင့်အတူ အလုပ်ရုံ ဆွေးနွေးပွဲသို့ ၁ နာရီ တက်ရောက်ခဲ့သည်။ ယခု သတင်းပေးပို့ချိန်တွင် ဒေါ်အောင်ဆန်းစုကြသည် အစိုးရ၏ လုံခြုံရေး အစီအစဉ်ဖြင့်ပင် ရန်ကုန်သို့ ပြန်လည် ထွက်ခွာသွားပြီဟု သိရသည်။

ဆွေးနွေးပွဲ ခေတ္တ ရပ်နားချိန်တွင် ပြည်ထောင်စု ဝန်ကြီးများနှင့်အတူ နိုင်ငံ့ရေးရာများ ပြောဖြစ်ခဲ့ကြသည်ဟု သတင်းရပ်ကွက်တခုက ပြောသည်။ ဝန်ကြီးများ ထွက်ခွာသွားချိန်တွင် စီးပွားရေး လုပ်ငန်းရှင်များဖြစ်သော ဦးအောင်ကိုဝင်း၊ ဦးထွန်းမြင့်နိုင်နှင့် ဦးဇော်ဇော်တို့နှင့် စကားလက်ဆုံ ကျခဲ့သည်။ ထို့အပြင် စီးပွားရေး လုပ်ငန်းရှင်များက ဓာတ်ပုံအတူ တွဲရိုက်ရန် တောင်းဆိုရာ ဓာတ်ပုံရိုက်ခဲ့သည်။
သောကြာနေ့က သမ္မတ ဦးသိန်းစိန်နှင့် ဒေါ်အောင်ဆန်းစုကြည်တို့ သမ္မတ အိမ်တော်ရုံးခန်းတွင် ပထမဆုံး အကြိမ်အဖြစ် ဆွေးနွေးခဲ့ကြသည်။
မတူကွဲပြားချက်များကို ဘေးဖယ်လျက် "နိုင်ငံနှင့် ပြည်သူလူထု အတွက် အမှန်တကယ် အကျိုးရှိစေမည့် ဘုံအကျိုးစီးပွားများမှ ပူးပေါင်း ဆောင်ရွက်မည့် အလားအလာများအား ရင်းနှီးစွာ ဆွေးနွေးခဲ့” သည်ဟု

နိုင်ငံပိုင် MRTV-4 ရုပ်မြင်သံကြား ထုတ်လွှင့်ချက်တွင် ပါရှိသည်။

နေပြည်တော်ဆွေးနွေးပွဲတက်ရောက်ရန် ဒေါ်အောင်ဆန်းစုကြည်ထွက်ခွာသွားပြီ။

အတိုက်အခံ ခေါင်းဆောင် ဒေါ်အောင်ဆန်းစုကြည်သည် နေပြည်တော်တွင် ပြုလုပ်မည့် နိုင်ငံတော် စီးပွား ဖွံ့ဖြိုးတိုးတက်မှု ဆိုင်ရာ အမျိုးသား အဆင့် အလုပ်ရုံ ဆွေးနွေးပွဲသို့ တက်ရောက်ရန် နေအိမ်မှ သောကြာနေ့ နံနက်တွင် ထွက်ခွာသွားပြီ ဖြစ်သည်။

 အစိုးရ အစီအစဉ်ဖြင့် သွားရောက်သော ခရီးစဉ်အရ ဒေသစံတော်ချိန် နံနက် ၉  နာရီတွင် ရန်ကုန်မြို့ တက္ကသိုလ်ရိပ်သာလမ်းရှိ နေအိမ်မှ ထွက်ခွာသွားခြင်း ဖြစ်သည်။ ရဲမှူးကြီး ဝင်းနိုင်ထွန်း ပါဝင်သော အစိုးရဘက်မှ အရာရှိများကားဖြင့် လာရောက် ခေါ်ဆောင်သွားခြင်း ဖြစ်သည်ဟု မျက်မြင်သက်သေများက ပြောသည်။

 သမ္မတ ဦးသိန်းစိန်နှင့်တကွ အစိုးရအရာရှိများ၊ နိုင်ငံရေး ပါတီများနှင့် စီးပွားရေး လုပ်ငန်းရှင်များ တက်ရောက်မည့် အလုပ်ရုံ ဆွေးနွေးပွဲသည် သုံးရက်ကြာ ကျင်းပမည် ဖြစ်သည်။ လေ့လာသူ အနေဖြင့် တက်ရောက်သူဒေါ်အောင်ဆန်းစုကြည်မှာ ၂ ရက်ကြာ တက်ရောက်လိမ့်မည်ဟု မျှော်လင့်ရသည်။

 လုံခြုံရေးကို အစိုးရက တာဝန်ယူထားသည့် အတိုက်အခံ ခေါင်းဆောင်၏ နေပြည်တော်သို့ ပထမဆုံး သွားရောက်သော ခရီးစဉ်မှာ သူ၏ အနီးကပ် လုံခြုံရေး တာဝန်ယူထားသူများပင် မသိလိုက်ဘဲ ရှိသည်ဟု ပါတီတွင်း သတင်းရပ်ကွက်များက ပြောသည်။

 ဦးသိန်းစိန် အစိုးရ လက်ထက် အလုပ်သမား ဝန်ကြီး ဦးအောင်ကြည်နှင့် တွေ့ဆုံ ဆွေးနွေးမှုများ

ဖြစ်ပေါ်လာပြီးနောက် အမျိုးသား ဒီမိုကရေစီ အဖွဲ့ချုပ်ခေါင်းဆောင်နှင့် နှစ်ဘက် ပူးပေါင်းဆောင်ရွက်မှုများ ပိုမို တိုးမြှင့်လာခဲ့သည်။

သန့်ရှင်းသောအစိုးရဧ။် သားကောင်ဖြစ်သွားသူ (သို့) ဗိုလ်ချုပ်တင်ငွေ။

အစိုးရသစ်လက်ထက်တွင် စစ်ဘက်ဆိုင်ရာ အကြီးဆုံး ရာထူးမှ ဖယ်ရှားမှုဖြစ်သည့် စစ်ဆင်ရေး အထူးအဖွဲ့မှူး ဗိုလ်ချုပ်တင်ငွေအား ရာထူးမှ အနားပေးလိုက်ခြင်းမှာ အစိုးရသစ်၏ ‘သန့်ရှင်းသော အစိုးရ’ ဖော်ဆောင်ရေးတွင် သားကောင်ဖြစ်သွားသည်ဟု စစ်ရေးလေ့လာသူ ဦးအောင်ကျော်ဇောက ပြောသည်။

“ငါတို့ ကလင်းဂါးဗားမန့် လုပ်နေတယ်ဆိုပြီး။ (ဗိုလ်ချုပ်)တင်ငွေတော့ သိပ်စားတာ မတွေ့ဘူး” ဟု ဦးအောင်ကျော်ဇော က ပြောသည်။

နောင်တွင် ကာကွယ်ရေး ဦးစီးချုပ်ဖြစ်ရန် အလားအလာကောင်းသည်ဟု စစ်တပ် ထိပ်ပိုင်းအတွင်း ခန့်မှန်းခဲ့ကြသော ဗိုလ်ချုပ်တင်ငွေ ဖြုတ်ပစ်မှုကို ရှင်းရှင်းလင်းလင်း မသိရသော်လည်း တပ်တွင်း ခန့်မှန်းပြောဆိုမှုများတွင် အလယ်ပိုင်း တိုင်းမှူး ဖြစ်စဉ်ကာလ မန္တလေးအောင်ပင်လယ် မြေယာကိစ္စ အရှုတ်တော်ပုံတွင် ပါဝင်ပတ်သက်မှုကြောင့်ဟု ဆိုသည်။

ဗိုလ်ချုပ်တင်ငွေမှာ ယခင်စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေနှင့် ဒုဗိုလ်ချုပ်ကြီးမောင်အေးတို့ နှစ်ဦးလုံး၏ လူယုံဟု တပ်တွင်းသိကြသည်။

“သူတို့လူဖြစ်သော်လည်း အထောက်အထားတွေ တွေ့နေရရင် အဖြုတ်ခံရတာပဲ။ ဘိန်းစားချင်း တမူးပိုအရှူခံ ရတာပေါ့ဗျာ။ အနည်းနဲ့ အများ စားကြတဲ့ သူတွေချည်းပဲ။ သူ့အမှုက သိပ်ထင်ရှားနေလို့၊ ရန်ကုန်မှာလည်း အုတ်အော်သောင်းနင်း ဖြစ်နေလို့ဆိုရင်လည်း ချမှာပေါ့” ဟု ဦးအောင်ကျော်ဇောက ပြောသည်။

အောင်ပင်လယ် မြေရိုင်းဖော်ထုတ်မှုတွင် ဗိုလ်ချုပ်တင်ငွေ မည်သို့ ကိုယ်တိုင် ပါဝင် ပတ်သက်ခဲ့သည်ကို အခိုင်အမာ မသိကြရသော်လည်း ပြည်ကြီးတံခွန်နှင့် ချမ်းမြသာစည် အရှေ့ဘက်ထိပ်မှ မြေများအား ပေးဝေခဲ့ရာတွင် ပြဿနာ အရှုတ်အထွေးများ ဖြစ်ခဲ့ကြောင်း မန္တလေးမှ စာရေးဆရာတဦးက မဇ္ဈိမကို ပြောသည်။

“သူ တိုင်းမှူးက နားရတော့မယ့်အချိန်မှာ မြေကွက်တွေ တော်တော်များများကို အလှူပွဲကြီးလိုကို ပေးပစ်လိုက်တာ
ပေါ့ဗျာ။ သူနဲ့ ပတ်သက်တဲ့ လူတွေကိုပေါ့။ နောက်တိုင်းမှူး တက်တဲ့အချိန်မှာ အဲဒီမြေတွေက တော်တော်များများ
ပြဿနာတွေ တက်ကုန်တယ်။ တချို့မြေတွေကို ၂ ယောက် ၃ ယောက် ပေးတာ၊ ထပ်ကုန်တာတွေ ဖြစ်တယ်” ဟု သူက ပြောသည်။

အောင်ပင်လယ် တောင်ဖျားရှိ ၄၈ လမ်း၊ ၄၉ လမ်း တဝိုက်တွင်လည်း အားကစားကွင်း၊ ကျောင်း၊ ပန်းခြံများ
အတွက် လျာထားသည့် မြေရိုင်းများအား အကွက်ချ၍ ရောင်းစားမှုများ ရှိခဲ့ကြောင်း အောင်ပင်လယ် ဒေသခံ တဦးကလည်း “မြေကွက်တွေ ပိုင်းရောင်းတာတွေ ရှိတယ်။ ၃၅ လမ်း မြောင်းဘေးကိုလည်း မြေဖို့လိုက်ပြီးတော့ အကွက် ယူလိုက်တယ်ပေါ့။ ဘောလုံးကွင်းတို့၊ ကျောင်းတို့၊ ပန်းခြံတို့အတွက် လျာထားတာတွေ ရောင်းသွား
တယ်ပေါ့၊ မြို့ကွက်သစ်တွေပဲ” ဟု ပြောသည်။

ဤသို့ မြေရိုင်းများအား ရောင်းချပုံမှာ အာဏာပိုင်များက ကိုယ်တိုင် ရောင်းချခြင်း မဟုတ်ဘဲ ကုန်သည်ကြီးများက တဆင့်ခံ ရောင်းချပေးခြင်းဖြစ်ကြောင်း “အဲဒါကို ရောင်းချပေးတာက မြို့ပေါ်က ကုန်သည်ကြီးတချို့ပေါ့။ သိန်းထောင်ချီ ပေးရတယ်။ အဲလို အရောင်းအဝယ်တွေ ဖြစ်ကြတယ်။ ဝယ်ထားပြီးရင်ကို ရာကြီးပိုင်းတွေ၊
ထောင်ကြီးပိုင်းတွေ ဈေးဖြစ်တာကိုးဗျ။ ပိုက်ဆံ ရတာကတော့ မူလပိုင်ရင် သက်ဆိုင်ရာ အာဏာပိုင်တွေက
ရတာပေါ့” ဟု အောင်ပင်လယ် ဒေသခံက ဆက်ပြောသည်။

သို့သော် ဗိုလ်ချုပ်တင်ငွေ အလယ်ပိုင်းတိုင်းမှူးအဖြစ် မန္တလေး၌ ရှိနေစဉ် လာဘ်စားမှုဖြင့် နာမည်ပျက်
သိပ်မရှိခဲ့ကြောင်း မန္တလေး စာရေးဆရာက ဆိုသည်။

“လုပ်ငန်းရှင်တွေ ပြောကြတာက သူရှိတဲ့ကာလတုန်းက တည်တည်ငြိမ်ငြိမ်နဲ့ ဘာမှ ပြဿနာမရှိဘူးပေါ့။ လာဘ်ပေးလာဘ်ယူမှု သိပ်မရှိဘူးလို့တောင် ကြားဖူးပါတယ်” ဟု သူက ပြောသည်။

နဝတ၊ နအဖ စစ်အစိုးရများ လက်ထက်တွင် စစ်တိုင်းမှူးဆိုသည်မှာ နယ်ဘုရင်များဖြစ်ကြပြီး ခြစားမှု မကင်းကြ
ကြောင်းလည်း ဦးအောင်ကျော်ဇောက ပြောသည်။

ကစထ ၆ ခုရှိရာ ဗိုလ်ချုပ်တင်ငွေ အနားယူသွားသည့်အတွက် ကစထ နေရာ ၃ ခု လစ်လပ်သွားပြီ ဖြစ်သည်။

ဗိုလ်ချုပ်တင်ငွေအပြင် ကာကွယ်ရေးဝန်ကြီး ဖြစ်သွားသည့် ဗိုလ်ချုပ်လှမင်းနှင့် ဒု-ကာချုပ် ဗိုလ်ချုပ်စိုးဝင်းတို့၏
နေရာများလည်း လစ်လပ်နေခြင်း ဖြစ်သည်။