အရှေ့တောင်အာရှ၏ အမြင့်ဆုံးဆီးနှင်းဖုံးတောင်နှင့် မြန်မာနိုင်ငံ၏ အကြီးဆုံး ဥယျာဉ် ခါကာဘိုရာဇီ။

ဥယျာဉ် ၊ ဘေးမဲ့တောနှင့် သဘာဝနယ်မြေများကို ပျက်စီးမှုလျော့နည်းအောင် ထိန်းသိမ်းစောင့်ရှောက် သော လုပ်ငန်းသည် များစွာအရေးပါလှသည်။ ထို့ပြင်ပျက်စီးမှုမရှိအောင် ထိန်းသိမ်းထားနိုင်မှသာ သစ်တောများ၊ ရှားပါးဆေးဖက်ဝင်အပင်များနှင့် တောတောင်များကို အမှီပြုပြီးနေထိုင်သော တောရိုင်း တိရိစ္ဆာန်များကိုထိန်းသိမ်းထားနိုင်မည်။ သစ်တောဂေဟစနစ်များကို လေ့လာနိုင်မည်ဖြစ်သည်။ သစ်တောများသည် ရာသီဥတုပြောင်းလဲမှု ၊လေထုညစ်ညမ်းမှုများကို ကာကွယ်ပေးနိုင်မည့် သဘာဝအတားအဆီးများ အဖြစ်လည်း အကျိုးသက်ရောက်လျက်ရှိပေသည်။ မြန်မာနိုင်ငံရှိ ဥယျာဉ်၊ဘေးမဲ့တော များအနက် မြန်မာနိုင်ငံ၏ အကြီးဆုံး ဥယျာဉ်နှင့် အမြင့်ဆုံးတောင်ဖြစ်သည့် ခါကာဘိုရာဇီ အမျိုးသာဥ ယျာဉ်အ ကြောင်းကို ရေးသားဖော်ပြလိုက်ပါသည်။

ခါကာဘိုရာဇီအမျိုးသားဥယျာဉ်ကို ၁၉၉၆ ခုနှစ်တွင် သစ်တောထိန်းသိမ်းရေးနယ်မြေအမဖြစ် ပထမဆုံး တည်ထောင်ခဲ့ပြီး ၁၉၉၈ခုနှစ်တွင် အမျိုးသားဥယျာဉ်အဖြစ် ကြေငြာခဲ့သည်။ ယခုအခါ အာဆီယံအမွေအနှစ်ဆိုင်ရာ ဥယျာဉ်အဖြစ်ထိန်းသိမ်းစောင့်ရှောက်လျက်ရှိသည်။
ယင်ဥယျာဉ်သည် မြန်မာနိုင်ငံမြောက်ဘက်စွန်းရှိ ကချင်ပြည်နယ်ပူတာအိုခရိုင် နောင်မွန်မြို့နယ်တွင် တည်ရှိပြီး ဧရိယာ ၁၄၇၂ စတုရန်းမိုင်ကျယ်ဝန်းသည်။ ခါကာဘိုရာဇီတောင်သည် အမြင့်ပေ ၁၉၀၀၀၀ ကျော်ရှိပြီးမြန်မာနိုင်ငံတွင် အကြီးဆုံးသဘာဝဥယျာဉ်ဖြစ်ပြီး တောင်တန်းများ ၊ရေတံခွန်များ ၊ရေစီးသန်သော စမ်းချောင်းများနှင့် ဖွဲ့စည်းတည်ရှိသည်။နိုင်ငံ၏ အရေးပါဆုံး ဧရာဝတီမြစ်၏မြစ်ဖျားခံရာ ဒေသတစ်ခုလဲဖြစ်သည်။ခါကာဘိုရာဇီအမျိုးသားဥယျာဉ်သည် ရှားပါးတိရိစ္ဆာန်များဖြစ်သော သားမင်း၊ဒရယ်၊ချေ ၊ ဆတ်တို့နှင့် သားရဲတိရိစ္ဆာန်မျိုးစိတ် အမြောက်အများတို့အပြင် ရှားပါးငှက်များ ၊ရှားပါးအနက်ရောင်သစ်ခွများ ၊ ရှီးပတီးနှင့် ဆေးဖက်ဝင် သစ်မြစ် ၊သစ်ဥများကိုထိန်းသိမ်းကာကွယ်ထားပြီး အမြဲစိမ်းတော၊ ရွက်ပြတ်ရောနှောတော တော်ပေါ်ထင်းရှုးတော ဂေဟစနစ်များကိုလည်း ထိန်းသိမ်းထားသည်။

ခါကာဘိုရာဇီအမျိုးသားဥယျာဉ်သည် နို့တိုက်သတ္တ၀ါမျိုးစိတ် ၄၂ ၊ ငှက်မျိုးစိတ် ၃၇၀ ၊ တွားသွားသတ္တ၀ါ နှင့်ကုန်းနေရေနေ သတ္တ၀ါမျိုးစိတ် ၈၀ ၊ လိပ်ပြာမျိုးစိတ် ၃၆၀ ၊ သစ်ပင်မျိုးစိတ် ၂၉၇ နှင့် သစ်ခွမျိုးစိတ် ၁၀၆ တို့၏နေရင်းဒေသလည်းဖြစ်သည်။ ခါကာဘိုရာဇီအမျိုးသားဥယျာဉ်ပြတိုက်ရှိ ဥယျာဉ်တစ်ခုတွင် အနက်ရောင်သစ်ခွများကို စနစ်တကျ စိုက်ပျိုးထားသည်။
အဆိုပါ ဥယျာဉ်သည် ရုက္ခဗေဒ၊ ဘူမိဗေဒ ၊ သတ္တဗေဒ နှင့်ပထ၀ီဝင်ကျောင်း သားများအတွက် ကွင်းဆင်းလေ့လာရန် အကောင်းဆုံးပြတိုက်ဖြစ်ပေသည်။