အင်ဒိုနီးရှား နိုင်ငံခြားရေး ၀န်ကြီး Marty Natalegawa သည် ယနေ့ နေ့လည်ပိုင်းက စစ်တွေမြို့သို့ ရောက်ရှိလာကြောင်း သိရသည်။
ယနေ့ နေ့လည် ၁ နာရီ ၅၅ ငါးမိနစ်တွင် တပ်မတော် လေယာဉ်ဖြင့် ရောက်ရှိလာခဲ့သည်ဟု ဒေသဆိုင်ရာ လူကြီး တစ်ဦးက ပြောသည်။
အင်ဒိုနီးရှား နိုင်ငံခြားရေးဝန်ကြီးသည် စစ်တွေမြို့သို့ ရောက်ရှိလာ
ပြီးနောက် ရဟတ်ယာဉ်များဖြင့် နေ့လည် ၂ နာရီ ၁၀ မိနစ်တွင်
ဒုက္ခသည်များရှိရာ ပေါက်တော၊ မင်းပြား၊ ကျောက်တော်နှင့်
မောင်တောမြို့နယ်များသို့ ထွက်ခွာသွားခဲ့သည်။
အင်ဒိုနီးရှား နိုင်ငံခြားရေးနှင့် အတူ နေပြည်တော်မှ ၀န်ကြီးများ၊
ရခိုင်ပြည်နယ် ၀န်ကြီးချုပ်ဦးလှမောင်တင်၊ ဒကစ မှူး နှင့် အစိုးရ
အရာရှိကြီးများ လိုက်ပါသွားသည်ဟု ဆိုသည်။
“ ရခိုင်ဘက်က မြို့မိမြို့ဖတွေနဲ့ ညနေ ၄ နာရီမှာ တွေ့ဖို့
ချိန်းထားပါတယ်။ အခုအချိန်ထိ မရောက်သေးပါဘူး။ ရဟတ်ယာဉ်တွေနဲ့ ထွက်သွားတာ
ပြန်မရောက်သေးပါဘူး” ဟု ပြည်နယ် လွှတ်တော် ကိုယ်စားလှယ် ဦးအောင်မြကျော်က
ပြောသည်။
စစ်တွေမြို့သို့ ညနေ ၅ နာရီ ကျော်မှ ပြန်လည် ရောက်ရှိလာသည်ဟု သိရသည်။
အင်ဒိုနီးရှား နိုင်ငံခြားရေး ၀န်ကြီးနှင့် စစ်တွေမြို့မှ
ကုန်သည်ကြီးများ အားလုံးကိုတွေ့ဆုံရန် စစ်တွေ ဟိုတည်သို့ ဖိတ်ကြားထားသည်
ဟုဆိုသည်။
ယနေ့ ညနေတွင် စစ်တွေဟိုတည်တွင် အရေးအခင်းဖြစ်ပွါးသော ပေါက်တော ၊
ကျောက်တော် ၊ မင်းပြား ၊ မောင်တောမြို့နယ်ရှိ ဒုက္ခသည်များနှင့် ပတ်သက်ပြီး
ရှင်းလင်း ပြောကြားမည်ဟု သတင်းများ ရရှိသည်။
စစ်တွေဟိုတည်တွင် ညနေစာ ဖြင့် တည်ခင်းဧည့်ခံမည်ဖြစ်ကြောင်းနှင့်
နောက်တစ်နေ့ နံနက်တွင် သဲချောင်းကျေးရွာရှိ မွတ်ဆလင် ဒုက္ခသည်များနှင့်
တွေ့ဆုံမည် ဖြစ်ကြောင်း သိရပါသည်။
No comments:
Post a Comment