ပြည်သူ့လွှတ်တော်ဥက္ကဌ သူရဦးရွှေမန်းနှင့် အမျိူးသားလွှတ်တော် ဥက္ကဌ ဦးခင်အောင်မြင့် တို့ ကုလသမဂ္ဂ၏ မြန်မာနိုင်ငံဆိုင်ရာ လူ့အခွင့်ရေး အထူးကိုယ်စားလှယ် သောမတ် အိုဟေး ကင်တားနားအား သြဂုတ် ၂၃ရက်တွင် တွေ့ဆုံမည်ဖြစ်သည်။ ၄င်းတွေ့ဆုံပွဲသို့ သတင်းထောက်များတက်ရောက်သတင်းယူခွင့်ပေးထားသည်ဟု နေပြည်တော်တွင်ကျင်းပနေသော ဒုတိယအကြိမ်လွှတ်တော်အစည်းအဝေးတွင်တက်ရောက်သတင်းယူနေသော ပြည်တွင်းသတင်းထောက် တစ်ဦးကပြောသည်။
မနက် ၉နာရီတွင် ပြည်သူ့လွှတ်တော် ဥက္ကဌ ဦးသူရရွှေမန်းနှင့် တွေ့ဆုံမည်ဖြစ်ပြီး အမျိုးသားလွှတ်တော် ဥက္ကဌ ဦးခင်အောင်မြင့်နှင့် မနက် ၉ နာခွဲတွင် တွေ့ဆုံမည်ဟုဆိုသည်။
လာမည့်ဗုဒ္ဓဟူးနေ့တွင် ဒေါ်အောင်ဆန်းစုကြည်နှင့်တွေ့ဆုံရန် ကင်တားနာ၏ခရီးစဉ်တွင်ပါရှိသည်။
၎င်းသည် ၂၀၁၀ ဖေဖေါ်ရီလတွင် မြန်မာနိုင်ငံသို့နောက်ဆုံးလာရောက်ခဲ့ပြီး ၄င်းခရီးစဉ်တွင် နေအိမ်အကျဉ်းချခံထားရသော ဒေါ်အောင်ဆန်းစုကြည်နှင့်တွေ့ဆုံခွင့်မရခဲ့ပေ။
No comments:
Post a Comment