ဘာဝါယာများဖြင့် ကာရံထားသော မြန်မာ သံဆူးကြိုး ခြံစည်းရိုးကို အနီးကပ်တွေ့ရစဉ် ( ဓါတ်ပုံ- နိရဉ္စရာ)
အမည်မဖေါ်လိုသူ တောင်ပြိုမြို့မှ အစိုးရ ၀န်ထမ်း တစ်ဦးက ယခုလို ပြောသည်။
" လာစစ်ဆေးမှာက ဒီကနေ့မှာ စစ်ဆေးမှာ ဖြစ်ပါတယ်။ တောင်ပြိုလက်ဝဲ နယ်မြေ(၃) နစက နယ်မြေသို့ သူတို့ ရောက်ရှိနေပါပြီ။ နယ်စပ် တလျှောက်မှာ ဖျက်ခံထားတဲ့ ခြံစည်းရိုးတွေကို စစ်ဆေးသွားမှာ ဖြစ်ပါတယ်။"
အဆိုပါ အဖွဲ့အား နပခ ဒုတိယ တိုင်းမှူးမှ ဦးဆောင်ပြီး အဖွဲ့ဝင်များ အဖြစ် GE ခြံစည်းရိုး ကာရံရေး အဖွဲ့မှ ဗိုလ်မှူးကြီး များလည်း လိုက်ပါလာသည်ဟု သိရသည်။
" အဓိကတော့ တောင်ပြိုလက်ဝဲ နယ်မြေ(၃) နစက နယ်မြေ တလျှောက်မှာ ဖျက်ခံထားရပါတယ်။ စစ်ဆေးပြီးရင်တော့ သူတို့ ဘာဆက် လုပ်မယ်ဆိုတာ မသိဘူး" ဟု သူက ပြောသည်။
ရခိုင်ပြည်နယ် အနောက်ဘက်နယ်စပ် မောင်တောမြို့နယ် ဘင်္ဂလာဒေခ်ျ့နှင့် ဆက်စပ်သော နယ်မြေ တလျှောက်တွင် မြန်မာဘက်မှ လူမှောင်ခို ၀င်ထွက်သွားလာမူကို တားဆီးရန် ရည်ရွယ်ချက်ဖြင့် သံဆူးကြိုး ဘာဝါယာများဖြင့် ခြံစည်းရိုးကာရံထားသည်။
အဆိုပါ သံဆူးကြိုးကာရံထားမူ အပေါ် ဒေသအတွင်း နေထိုင်သော မွတ်ဆလင်များက သူတို့၏ သွားလာရေးကို ချုပ်ချယ် ကန့်သတ်လိုသည် အတွက် ပြုလုပ်သည်ဟု ယူဆကာ အဆိုပါ ခြံစည်းရိုးကာရံမူ အပေါ် မလိုလားကြဟု သိရသည်။
No comments:
Post a Comment